| என் போல்பவர் சொல்லுவது, எண் உடையார்
உன் போல்பவர் யார் உளர்?" என்று உரையா,
|
தன் போல்பவர் தானும் இலாத - தன்னை ஒத்தவர் யாவர் தானும்
இல்லாத; தனிப்பொன் போல் ஒளிர் மேனியனை - சிறப்புடைய
பொன்போல் ஒளி விடுகிற திருமேனியை உடைய (திருமாலை);
புகழோய் - (அந்த மதுகைடபர்கள்) பார்த்துப் புகழுடையவனே; என்
போல்பவர் சொல்லுவது - எங்களைப் போன்றவர் சொல்லுவதற்கு
உரித்தானது (யாதெனில்); எண் உடையார் உன் போல்பவர் யார்
உளர் - எண்ணி மதிக்கத்தக்க வலிமை உடையார் உன்னைப்
போன்றவர் யாவர் உளர்; என உரையா - என்று கூறி; இவ்
"என உரையா" என்பது 71 ஆம் பாடலில் உள்ள "சொல்லுதலும்"
என்றதனோடு இயையும்.
|
எண் - புகழ், ஒளிர் மேனியன் - ஒளிரும் திருமேனியை உடைய
திருமால், உரையா - செய்யா எனும் வாய்பாட்டு உடன்பாட்டு வினை
எச்சம்.
|
(69)
|
| 7796. | ‘"ஒருவோம் உலகு ஏழையும் உண்டு உமிழ்வோம்;
இருவோமொடு நீ தனி இத்தனை நாள்
பொருவோமொடு நேர் பொருதாய்; புகழோய்!
தருவோம் நின் மனத்தது தந்தனமால்;
|
ஒருவோம் உலகு ஏழையும் உண்டு உமிழ்வோம் - (நாங்கள்)
ஒருவராகவே ஏழு உலகத்தையும் உண்டு உமிழக் கூடிய வலிமை
உடையவராவோம்; இருவோமொடு - (அப்படிப்பட்ட தனித்தனி
வலிமை வாய்ந்த எங்கள்) இருவருடனும்; இத்தனை நாள் நீ தனி
பொருவோமொடு நேர் பொருதாய் - இவ்வளவு காலமும் நீ தனியாகப்
பொருகின்ற (எங்களோடு) நேர் நின்று போர் செய்தாய்; புகழோய் -
புகழுக்கு உரியவனே; நின் மனத்தது தருவோம் தந்தனமால் - (நீ)
உன் மனத்தினால் வேண்டும் வேண்டுதலைத் தருவோம்; தந்தோ
விட்டோம்.
|
தருவோம் தந்தனம் - தாங்கள் விரைந்து தவறாது கொடுப்போம்
என்பதை வற்புறுத்த வந்தது. காலவழுவமைதி. தருவோம் -
எதிர்காலம் தந்தனம் - இறந்தகாலம்.
|
(70)
|
| 7797. | ‘"ஒல்லும்படி நல்லது உனக்கு உதவச்
சொல்லும்படி" என்று, அவர் சொல்லுதலும், |