நீரைக் கொடு நீர் எதிர் நிற்க ஒணுமோ - நீரைத் துணையெனக்
கொண்டு நீரை எதிர்த்து நிற்க முடியுமா? தீரக் கொடியாரொடு - மிகக்
கொடியவரான அரக்கர்களுடன்; தேவர்  பொரும்  போரைக்  கொடு
வந்து   நாம்   புகுந்தது  -  தேவர்களுக்காகச்  செய்கிற  போரைக்
கைக்கொண்டு   வந்து  நாம்  போர்க்களம்  புகுந்தது;  ஆரைக்கொடு
வந்தது   -   யாரைக்   துணையாகக்      கொண்டு    அமைந்தது;
அயர்த்தனையோ - மனம் சலித்தனையோ?
 

அரக்கராகிய     நீரை அழித்து வற்றச் செய்யவல்லவன் இலக்குவன்
என்றபடி.  ஆரைக்  கொடு  வந்தது  -  அறம்  தவிரப்  பிற துணை
இல்லை என்றபடி. கொடு, ஒணுமோ - இடைக்குறைகள்.
 

                                                  (82)
 

சிவன்     அல்லன் எனில் - (இந்த அதிகாயனைக் கொல்வதற்கு
உரியவர்)  சிவபிரான் அல்லன் என்றால்; திருவின் பெருமான் அவன்
அல்லன்  எனின்  -  திருமகள்   தலைவனாகிய  திருமால்  அல்லன்
என்றால்; புவி தந்தருளும்  தவன்  அல்லன்  எனில் - நிலவுலகைப்
படைத்தவன்   ஆகிய    தவச்   சிறப்புடைய  பிரமதேவன்  அல்லன்
என்றால்;   தனியே   வலியோன்   இவன்   அல்லன்  எனில் -
தனிச்சிறப்புடைய  வலிமை  படைத்த   இந்த  இலக்குவன்   அல்லன்
என்றால்; பிறர் யார் உளர் - மற்றவர் எவர் தாம் உளர்.
 

சிவனும்,  மாலும்,   பிரமனும்   தனி   வலி   இலக்குவனும்  தவிர
இவ்வதிகாயனைக் கொலற்கு உரியவர் யார் உளர் என்றவாறு.
 

                                                  (83)