அசும்புடைக்  குருதி பாயும் ஆகத்தான் - ஊற்றுப் பெருக்கைப்
போல்  இரத்தம்  (வெளியில்)  கொட்டுகிற  உடம்பை உடையவனாகிய
(இடபன்);  வேகத்தால்- விரைவோடு; அத் தசும்புடைக் கொடுத்தேர்
தன்னை   -   அந்தக்   கலசம்  அமைந்த  பெரிய  தேர்  தன்னை;
தடக்கையால்  எடுத்து  வீச  - தன்  வலிய கையினால் எடுத்து வீசி
எறிய;  பசுங்கழல்  கண்ண  பேயும் - (அத்தேரில் பூட்டப்பட்டிருந்த)
பசுமையான  கழற்சிக்  காய்  போன்ற  கண்களை   உடைய (ஆயிரம்)
பேய்களும்;  பரவை  நோக்கிப்  பறந்தன - கடலை நோக்கிப் பறந்து
சென்றன; விசும்பிடைச் செல்லும் காரின் தாரை போல்-(அத்தேரின்
மேல்  இருந்த வயமத்தன்) விண்ணில் செல்லும் மேக ஒழுங்கு போல்;
நான்ற மெய்யான் - தொங்குகின்ற உடலை உடையவன் ஆனான்.
 

அசும்பு     - ஊற்றுப் பெருக்கு, தசும்பு - மிடா. ஈண்டுத் தேர்க்
கவசம்  என்க.  பசுங்கழல்கண்  -  பசிய கழற்சிக்காய் போலும் கண்.
பேயின் கண்களுக்குக் கழற்சிக்காயினை உவமை கூறுதல் மரபு. பரவை
-  கடல்.  கார்  -  மேகம்,  தாரை - ஒழுங்கு, நாலுதல் - (ஞாலுதல்)
தொங்குதல்.   ஞாலம்   என்ற   பெயர்  இதனால்  வந்தது  என்பர்.
நாணுட்டுச் செத்தான் என்ற பேச்சு வழக்கையும் எண்ணுக.
 

                                                (233)
 

தேரொடும்     - தேருடன்;  கடலின் வீழ்ந்து - கடலில் விழுந்து;
சிலையும்  -  வில்லும்;  தன்தலையும் எல்லாம் - தன் தலையும் (பிற)
எல்லாமும்;  நீரிடை  அழுந்தி  -  கடல்  நீரிலே  அழுந்தி; பின்னும்
நெருப்பொடு நிமிர வந்தான் - மறுபடியும் பெருஞ்சினத்தோடு