நாவை  -  பைபோன்ற  வாயில்  உள்ள  நீண்ட  நாக்கை;  முனிந்து
பறித்தான் - சினந்து பிடுங்கினான்.
 

ஐவாய்  அரவம்  - பாம்பின்  சாதி  (அல்) வியப்புக்குரிய  பெரிய
வாயை உடைய மலைப்பாம்பு எனினுமாம்.
 

                                                 (246)
 

                   கும்பன் இறக்க, நிகும்பகை அங்கதன் எதிர்த்தல்
 

அக்காலை   - அந்தப் பொழுது; நிகும்பன் - நிகும்பன் என்பவன்;
அனல்  சொரி  கண்ணன்  -  நெருப்பை  வெளிக்காலுகிற கண்களை
உடையவனாய்;  புக்கான் -  புகுந்தான்;  இனி எங்கு அட போகுவது
என்னா   -   இனி    எங்கே   அட   போகப்   போகிறார்  என்று
சொல்லிக்கொண்டு   (வந்து);  எதிர்  மிக்கான்  -  சுக்ரீவன்  எதிரில்
செருக்கி  நின்றான்;  உற்று அங்கதன் வெகுண்டான் - (அவன் முன்)
நெருங்கி அங்கதன் சினந்து நின்றான்; எக்காலமும் இல்லது ஓர் பூசல்
இழைத்தார்   -   (அவ்விருவரும்   எக்காலத்திலும்  (காண)  நிகழாத
(பெரும்) போரைத் (தொடங்கி) நிகழ்த்தினார்கள்.
 

                                                 (247)
 

நீலக் கிரி மேல் நிமிர் பொற்கிரி தேர்வான்-நீலமலையின் மேல்
நிமிர்ந்து   செல்லும்  பொன்னால்   ஆகிய  மலை  போல்பவனாகிய;
ஆலத்திலும்  வெய்யவன் அங்கதன் - நஞ்சினும் கொடுமை உடைய
அங்கதன்; சூலப்படையானிடை வந்து தொடர்ந்தான்-சூலப்படையை
ஏந்தியவனான   (நிகும்பகை)   வந்து   தொடர்ந்து;  ஆங்கு  ஓர்  -
அப்பொழுது  ஒரு;  தாலப்  படைகைக் கொடு - பனைமரம் ஆகிய
படையைக்   (கைக்)   கொண்டு;   சென்று   தடுத்தான்  -  சென்று
(அவனைத்) தடுத்தான்.