ஆவி     பிறியும் அவர்  எண்  இலர் - உயிர்  பிரிந்த அவர்கள்
எண்ணிக்கை  இல்லாதவர்  ஆவர்;  தம்மனை  பெற்றார்  -  தங்கள்
வீட்டைச்  சென்று அடைந்தவர்கள்; குறியும் அறிகின்றிலர் - (அதன்)
அடையாளத்தையும்  அறியாதவர்களாய்; சிந்தை குறைந்தார் - மனம்
ஒடுங்கியவர்களும் (எண்ணிலர்) என்றபடி
 

எண்ணிலர்     என்பதை மத்திம தீபமாகக் கொண்டு, பிறியும் அவர்
எண்ணிலர்,  சிந்தை  குறைந்தார்  எண்ணிலர் எனக் கூட்டுக. குறியும்
அறியாமைக்குக்  காரணம்  அம்புகள்  உடம்பில் பட்டதால் ஏற்பட்ட
தளர்ச்சி.
 

                                                 (255)
 

பரிபட்டு    விழ - குதிரைகள் இறந்து விழுந்ததால்; சிலர் நின்று
பதைத்தார் - சிலர் (தடுமாறி) நின்று பதைப்பு எய்தினார்கள்; கரிபட்டு
உருள  -  யானைகள்  இறந்து  விழுந்து  உருண்டதனால்; சிலர் கால்
கொடு  சென்றார்  -  சிலர்  காலினைக் கொண்டு ஓடிச் சென்றார்கள்;
எரிபட்ட   மலைக்கண்   இருந்தவர் என்ன -  நெருப்பில்  எரிந்த
மலையிடத்து   இருந்தவர்கள்   என்னும்படியாக;   நெரிபட்டு  அழி
தேரிடையே - நெருக்கத்தினால் அழிந்து போன தேர்களின் இடையே;
பலர்நின்றார் - பல (அரக்கர்) நின்றார்கள்.
 

                                                 (256)
 

மண்ணின் தலை-நிலத்திடத்தில்; புண் நின்ற உடற் பொறையோர்
- புண்பட்ட உடல் பாரம் உடையவர்களாகச் சிலர்; வானர மேனியர் -
சிலர்  குரங்கு  மேனி  உடையவர்களாக;  வந்தார்  புக்கார்  - வந்து
புகுந்தார்கள்;  கண்  நின்ற  குரங்கு  -  தங்கள்  கண் எதிரே நின்ற
குரங்கு(ப்   படைவீரர்)  கலந்தன  என்னா  -  தங்கள்  படையோடு
கலந்தன  என்று எண்ணி; உள் நின்ற அரக்கர் - (அரக்கர் படையின்)
உள்ளே இருந்த அரக்கர்கள்; மலைக்க -