| ஏற்றான் இகல் இந்திரன் ஈர்-இரு கால், எனக்கே
தோற்றான் தனக்கு என் நெடுஞ் சேவகம் தோற்க’
என்றான்.
|
மாற்றா உயிர் எம்பியை - (பிறரால்) போக்க முடியாத உயிரை
உடைய என் தம்பியாகிய (அதிகாயனை); மாற்றிய மானுடன் தன் -
உயிர் வாங்கிய மனிதனாகிய (இலக்குவன்) தன்; ஊற்று ஆர் குருதிப்
புனல் - ஊற்றுப் போல் நிறைந்து பெருகி வரும் இரத்த
வெள்ளத்தைப்; பார்மகள் உண்டிலாளேல் - நிலமாகிய பெண்
உண்ணாமல் போனால்; இகல் இந்திரன் - போராற்றல் மிக்க இந்திரன்;
எனக்கே ஏற்றான் - என்னுடன் போர் ஏற்று; தோற்றான் தனக்கு -
தோற்றவனாகிய (அவன்) தனக்கு; என் நெடுஞ் சேவகம் - என்
பெருவலிமை; ஈர் இருகால் - நான்குமுறை; தோற்க - தோற்றது
ஆகட்டும்; என்றான் - (என்று இந்திரசித்தன்) கூறினான்.
|
(11)
|
| 8013. | ‘பாம்பின் தரு வெம் படை, பாசுபதத்தினோடும்,
தேம்பல் பிறை சென்னி வைத்தான் தரு தெய்வ ஏதி,
ஓம்பித் திரிந்தேன் எனக்கு இன்று உதவாது போமேல்,
சோம்பித் துறப்பென்; இனிச் சோறும் உவந்து வாழேன்.
|
பாம்பின் தருவெம்படை - பாம்பு வடிவில் அமைந்த கொடிய
படையினையும்; பாசு பதத்தினோடும் - பாசு பதப்படையினையும்;
தேம்பல் பிறை சென்னி வைத்தான் - குறைந்த கலையுடைய பிறைச்
சந்திரனைத் தலையில் அணிந்தவனாகிய சிவபிரான்; தரு தெய்வஏதி -
தந்த தெய்வத்தன்மை பொருந்திய வாட்படையினையும்; ஓம்பித்
திரிந்தேன் எனக்கு - பாதுகாத்துத் திரிந்தவன் ஆகிய எனக்கு; இன்று
உதவாது போமேல் - (அவை) இன்று உதவாமல் போகுமானால்;
சோம்பித் துறப்பென் - (என் உயிரைச்) சோம்பல் அடைந்து விட்டு
விடுவேன்; இனிச் சோறும் உவந்து வாழேன் - இனிமேல் சோற்றையும்
விரும்பி வாழமாட்டேன்;
|
பாம்பின் தரு வெம்படை - நாக அத்திரம், பாசுபதம் - பசுபதி
தொடர்புடையது. பாசுபத அத்திரம் என்க. தேம்பல் பிறை - குறைந்த
கலையினை உடைய பிறை, ஏதி - வாள்.
|
(12) |