கொள்ளுவதற்கு  உரிய   தோற்றம்  உடையவனாயும்  இல்லை; மீட்சி
செய்திறம்  இலையால்  என்றான்  -  (எனவே நீ செய்த உதவிக்குக்)
கைம்மாறு செய்ய வழி இல்லை என்றான்.
 

                                                 (267)
 

ஐய!  - ஐயனே; செயல்  அருங் கருணைச் செல்வ - செய்தற்கு
அரிய  அருட்  செயல்  செயத் செல்வனே! மருளினின் வரவே வந்த
வாழ்க்கை  ஈது  ஆகின் -  மயங்கி வருந்தவதற்கு இடமாக வந்ததே
இந்த  வாழ்க்கை  என்றால்; வாயால்  அருளினை  என்னின்  - (நீ)
வாயினால்  அருள்கொண்டு  வரம் தருவாய் என்றால்; எய்த அரியன
உளவோ  -  (எங்களால்) எய்த முடியாத அரியபேறுகள் எவையேனும்
உள்ளதா? புந்தித் தெருளினை உடையர் ஆயின் - அறிவுத் தெளிவு
உடையவர்களாய்  இருந்தால்;  பொருளினை  உணர வேறு புறத்தும்
ஒன்று  உண்டோ?  -  (நீ  செய்த  இந்த  உதவியின்)  பொருளினை
உணர்ந்து  கொள்ள  வேறு  பொருள்  புறத்தில் ஒன்றும் இல்லை. (நீ
செய்த  உதவிக்குக் கைம்மாறாகக் கொடுக்கப் புறத்தில்  எப்பொருளும்
இல்லை என்றபடி)
 

                                                (268)
 

உண்டு  இலை என்ன  நின்ற  உயிர்  தந்த  உதவியோனே -
உண்டோ  இல்லையோ  என்று ஐயங்  கொள்ளும்படியாக  நின்றிருந்த
இலக்குவன் உயிரை (மீட்டும்) தந்த உதவியோனே!