மகனாகிய இந்திரசித்தனது சிறப்புடைய அரண்மனைக்குச் (சென்று)
சேர்ந்தான்.
| (279)
| | 8281. | தாங்கிய துகிலார், மெள்ளச் சரிந்து வீழ் குழலார் தாங்கி
வீங்கிய உயிர்ப்பார், விண்ணை விழுங்கிய முலையார்,
மெல்லத்
தூங்கிய விழியார், தள்ளித் துளங்கிய நடையார்,-வல்லி
வாங்கிய மருங்குல் மாதர்,-அனந்தரால் மயங்கி வந்தார்.
| வல்லி வாங்கிய மருங்குல் மாதர் - பூங்கொடியையும் பின்னிடச்
செய்த இடையினை உடைய பெண்கள்; தாங்கிய துகிலார் - (கையில்
தூக்கித்) தாங்கிய சேலையை உடையவராயும்; மெள்ளச் சரிந்து வீழ்
குழலார் - (கூட்டி முடிக்கப் பெறாமையால்) மெல்லச் சோர்ந்து
தொங்குகிற கூந்தலை உடையவராயும்; தாங்கி வீங்கிய உயிர்ப்பார் -
தடைப்பட்டுப் பின்பு மிகுதியாக வெளிப்படுகிற பெருமூச்சினை
உடையவராயும்; விண்ணை விழுங்கிய முலையார் - ஆகாயத்தை
இடமின்றி விழுங்கிய (பருத்த) மார்பகங்களை உடையவராயும்;
மெல்லத் தூங்கிய விழியார் - அரை குறையாகத் தூங்கிய கண்களை
உடையவராயும்; தள்ளித் துளங்கிய நடையார் - தடுமாறி நடுங்கும்
நடையினை உடையவராயும்; அனந்தரால் மயங்கி வந்தார் - தூக்க
மயக்கத்தால் மயங்கி (இராவணனோடு) வந்தார்கள்.
| (280)
| | 8282. | பானமும், துயிலும், கண்ட கனவும், பண் கனிந்த பாடல்
கானமும், தள்ளத் தள்ள, களியொடும் கள்ளம் கற்ற,
மீனினும் பெரிய, வாட் கண் விழிப்பது முகிழ்ப்பது ஆக,
வானவர் மகளிர் போனார், மழலை அம் சதங்கை மாழ்க*
| வானவர் மகளிர் - தேவமாதர்கள்; பானமும் - மதுபானமும்;
துயிலும் - தூக்கமும்; கண்ட கனவும் - (தாங்கள் கண்ட) கனவுகளும்;
பண் கனிந்த பாடல் கானமும் - (இராவணனைப் |
|
|
|