| மேல் நடை அனைய மற்றும் நல் வழி நல்க வேண்டி,
வானுடை அண்ணல் செய்த மங்கையர் மருங்கு சென்றார்.
|
வானுடை அண்ணல் - சத்தியலோகத்தைத் தனக்கு உரிமையாக
உடைய பிரமதேவன்; தேனிடை - தேன் இடத்திலும்; கரும்பில் -
கரும்பின் இடத்திலும்; பாலில் - பாலின் இடத்திலும்; அமுதினில் -
தேவர்களின் அமுதத்தின் இடத்திலும்; கிளவி தேடி - (உள்ள இனிய
பகுதிகளைப்) பேச்சினை (உருவாக்கத்) தேடி அமைத்து; மானிடை -
மானின் இடத்திலும்; கயலில் - கயல் மீனிடத்திலும்; வாளில் -
வாளின் இடத்திலும்; மலரிடை - மலர்களின் இடத்திலும்; நயனம்
வாங்கி - (உள்ள சிறப்புப் பகுதிகளைச் சேர்த்துக்) கண்களாகச்
சமைத்து; மற்றும் அனைய மேல் நடை - மற்றும் அவை போன்ற
சிறப்புடையவைகளான; நல்வழி நல்கவேண்டி - நல்ல வகைகளைக்
கொண்டு படைக்க விரும்பி; செய்த மங்கையர் - படைத்த மகளிர்;
மருங்கு சென்றார் - (இராவணன் உடைய) பக்கங்களில் சென்றார்கள்.
|
(283)
|
| 8285. | தொடங்கிய ஆர்ப்பின் ஓசை செவிப்புலம் தொடர்தலோடும்,
இடங்கரின் வயப் போத்து அன்ன எறுழ் வலி அரக்கர்
யாரும்,
மடங்கலின் முழக்கம் கேட்ட வான் கரி ஒத்தார்; மாதர்
அடங்கலும், அசனி கேட்ட அளை உறை அரவம் ஒத்தார்.
|
தொடங்கிய - (வானரப் படையினர்) தொடங்கிச் (செய்த);
ஆர்ப்பின் ஓசை - பேரொலி; செவிப்புலம் தொடர்தலோடும் -
காதுகளாகிய புலத்தில் நுழைந்த உடனே; இடங்கரின் வயப் போத்து
அன்ன - வலிய ஆண் முதலையை ஒத்துள்ள; எறுழ் வலி அரக்கர்
யாரும் - மிக்க வலிமை உடைய அரக்கர்கள் எல்லோரும்; மடங்கலின்
முழக்கம் கேட்ட - சிங்கத்தின் முழக்கத்தைக் கேட்ட; வான் கரி
ஒத்தார் - பெரிய யானைகளை ஒத்து விளங்கினார்கள்; மாதர்
அடங்கலும் - அரக்கப் பெண்டிர் எல்லோரும்; அசனி கேட்ட - இடி
முழக்கம் கேட்ட; அளை உறை அரவம் - புற்றில் வாழும்
பாம்புகளை; ஒத்தார் - ஒத்தார்கள்.
|
(284) |