செயல் இதைத்தவிர வேறு எதுவும் இல்லை (என்று இராவணன்
கிங்கரர்களிடம் கூறினான்).
|
இச்செயல் பிற அரக்க வீரர்களுக்கு ஓர் எச்சரிக்கையாயும்
அச்சுறுத்தலாயும் அமைந்த செயல் எனக்கொள்க.
|
(6)
|
| 8308. | அக் கணனே, அயில் வாளினர் நேரா,
மிக்கு உயர் நாசியை ஈர விரைந்தார்,
புக்கனர்; அப் பொழுதில், ‘புகழ் தக்கோய்!
தக்கிலது’ என்றனன், மாலி, தடுத்தான்.
|
அக் கணனே - (அவ்வாறு இராவணன் கட்டளை இட்ட)
அப்பொழுதே; அயில்வாளினர் - கூர்மையான வாளினை உடைய
(கிங்கரர்கள்); நேரா - (அக்கட்டளைககு) உடன்பட்டு நேர்ந்து; மிக்கு
உயர் நாசியை - (மாபக்கன் புகை நிறக் கண்ணன்
ஆகியவர்களுடைய) மேல் நோக்கி உயர்ந்த மூக்கினை; ஈர
விரைந்தார் புக்கனர் - அறுப்பதற்காக விரைந்து வந்து புகுந்தனர்;
அப்பொழுதில் - அப்பொழுது; மாலி - மாலி என்னும் அரக்கப்
படைத்தலைவன் (இராவணனை நோக்கி); புகழ்தக்கோய் - புகழுக்குத்
தகுதியானனே; தக்கிலது என்றனன் தடுத்தான் - இச்செயல்
தகுதிக்குரியதன்று என்று கூறித் தடுத்தான்.
|
(7)
|
| 8309. | ‘அம் சமம் அஞ்சி அழிந்துளர் ஆனார்,
வெஞ் சமம் வேறலும், வென்றியது இன்றாய்த்
துஞ்சலும் என்று இவை தொல்லைய அன்றே?
தஞ்சு என ஆர் உளர், ஆண்மை தகைந்தார்?
|
அம்சமம் - அழகிய போரில்; அஞ்சி அழிந்துளர் ஆனார் -
அஞ்சி (மனம் அழிந்தவர்களானவர்கள்; வெஞ்சமம் வேறலும் -
(பிறிதொரு) கொடிய போரில் வெல்லுதலும்; வென்றியது இன்றாய்த்
துஞ்சலும் - வெற்றி இல்லாமல் இறந்து படுதலும்; என்று இவை -
என்ற இவ்வகைச்செயல்கள்; தொல்லைய அன்றே - பழமையான
முறையில் வருபவை அல்லவா? ஆண்மை தஞ்சு என தகைந்தார் -
ஆண்மைப் பண்பைத் தன்னிடத்திலேயே அடைக்கலமாக
(நிலையாகக்) கொண்டவர்கள்; ஆர் உளர் - (இந்த உலகத்தில்) யாவர்
உளர் ஒருவருமில்லை என்றபடி.
|