என்று   கூறுமாறு   நடந்து;   கோட்பால் முன்னம்  விரைந்தார்  -
கொள்கையால் முன்னால் விரைந்து சென்றார்கள்.
  

                                               (22)
 

விண்ணை விழுங்கிய தூளியின் - (அவர்கள் நால்வகைப் படையும்
செல்லுதலினால்  தோன்றிய)   வானத்தை   மறைக்கும்  அளவு எழுந்த
புழுதியானது; விண்ணோர்  கண்ணை  விழுங்குதலின் - தேவர்களின்
கண்களை மறைத்ததனால்; கரை காணார் -  (அவர்களும்  கூடப் படை
அளவின்)   எல்லையைக்  காணாதவராயினர்;  எண்ணை   விழுங்கிய
சேனையை  -  எண்ணிக்கையின்  அளவைக் கடந்த  (அந்த  அரக்கர்)
படை;  பண்ணை  -  அமைந்துள்ள  வகையை;   யாரும்  - எவரும்;
பண்பால்   -   முறையாக;   விழுங்க    உணர்ந்திலர்  -  முற்றும்
உணராதவராயினர்.
  

                                               (23)
 

கால்கிளர்  தேரொடு -  காற்றுப்போல்  விரைந்து   செல்லுகின்ற
தேர்ப்படையிலும்; கால் வரையோடும் - கால் படைத்த மலை போன்ற
யானைப்  படையிலும்; மேல்கிளர் பல் கொடி - மேலே விளங்குகின்ற
பல  கொடிகள்  ஆகிய; வெண்திரை வீச - வெண்மையான அலைகள்
வீச; வாள்கள் - வாள் படைகள்; மாப்படை - பெரிய படையின்; பால்
கிளர்  மீனிடை - இடத்து விளங்குகின்ற மீன்போல; ஆடிய பண்பால்
-  அசைந்து  ஆடிய தன்மையினால்; மால் கடலானது - பெரிய கடல்
போல விளங்கியது.
 

                                                (24)