நீலன்  - நீலன்; எறிந்ததனை - எறிந்ததாகிய; தாள் ஆர் மரம் -
அடி பெருத்த மரத்தை; வாளால் மடிவித்து - (தன்) வாளால்  அழித்து;
வலித்து    அடர்வான்   -   வலிமையோடு   பொருபவன்   ஆகிய
(மாலியினது);  தோள்  ஆசு  அற  - தோளின் மூட்டு  அறும்படியாக;
மீளா வினை  நூறும்  விடைக்கு  இளையான் - போக்குதற்கு அரிய
வினைகளைப்   போக்குபவனாகிய   இடபம்   போன்ற   இராமனுக்கு
இளையவனாகிய  இலக்குவன்;  வாளி  துரந்தனனால் -  அம்புகளைச்
செலுத்தினான்.
 

                                                 (82)
 

                                          இலக்குவன் செயல்
 

மின்போல்   மிளிர் வாளொடு - மின்னலைப்போல் விளங்குகின்ற
வாளுடன்;  தோள்  விழவும்  -  (தன்)  தோள்  அறுபட்டுக்  (கீழே)
விழவும்;  தன்  போர்  தவிராதவனை -  (தன்)  போரை  நீங்காமல்
செய்பவனாகிய  (மாலியைப்  பார்த்து  இலக்குவன்);  என்   போலியர்
போர் எனின் நன்று - என் போன்றவருடன் செய்யும் போர்  என்றால்
அது  நல்லது;  இது  ஓர்  புன்போர் - இது ஒரு புன்மையான  போர்
ஆகும்; என சலியா - என்று (கூறி) வெறுத்து; நின்று - நின்று; அயல்
போயினனால் - அப்பால் போயினன்.
 

ஒப்பாகாதவனுடன்     பொருதல் தகாது என இலக்குவன் அயல்
போயினன்  என்க.  ஒருவனோடு பலர் பொரும் போர் புன்போர் என
எண்ணி அயல் போயினன் எனினும் ஆம்.
 

                                                 (83)
 

                                 வானரப்படை வீரர் புகழ்ச்சி