:: TVU ::

452

யுத்த காண்டம்

8401.	குலையப் பொரு சூலன் நெடுங் கொலையும் உலைவுற்றில, உய்த்தலும் ஓய்வு இலன், ஒண் தலை அற்று உகவும், தரை உற்றிலனால்- இலையைப் பரி மேல் கொள் இருக்கையினான்.
இலையப்பரி - தாளத்திற்கு ஏற்ப அடியிட்டு நடக்கும் குதிரையின்; மேல் கொள் இருக்கையினான் - மேல் நிலையாக இருக்கை கொண்டவனாகிய (பிசாசன்); ஒண்தலை அற்று உகவும் - தன் ஒளியுள்ள தலை துண்டுபட்டு விழுந்த பின்பு கூட; குலையப் பொரு சூலன் - (வானர வீரர்கள்) குலைந்து ஓடும்படியாகப் போர் செய்கிற சூலத்தை உடையவனாய்;நெடுங் கொலையும் உலைவுற்றில - (தான்) (செய்து வந்த) பெரும் (போர்க்) கொலையையும் குறைவில்லாமல்; உய்த்தலும் ஓய்வு இலன் - செய்தலிலும் ஓய்வு கொண்டு ஒழியாதவனாகி; தரை உற்றிலனால் - தரையில் விழாமல் இருந்தனன்.
தலையை இழந்த பிசாசனுடைய முண்டம் நிகழ்த்திய போர் பற்றி இப்பாடல் கூறுகிறது. இது அட்டையாடல் என்க. இலயப்பரி - தாளத்திற்கேற்ப அடியிட்டு நடக்கும் குதிரை. இலையம் - இலயம். தாளத்தின் கால அளவு.
(100)