தாங்கள் பிறந்த  நாள்  தொடங்கி - தாங்கள் ஒன்றாகப் பிறந்த
நாள்  தொடங்கி;  பிறிவு  எனும்  பீழை - பிரிவு என்கின்ற துன்பம்;
என்றும் உறுவது ஒன்று இன்றி  -  எப்பொழுதும்  நேருதல்  (என்ற)
ஒன்று  இல்லாமையால்;  ஆவி  ஒன்றென  நினைந்து  நின்றான் -
(இருவருக்கும் உடல்  இரண்டு) உயிர் ஒன்று என நினைத்திருந்தவனான
இராவணன்;  எறி  வரும்  செருவில் - படைக்  கலங்களை   எறிந்து
செய்யும் போரில்;   தம்பி  தன்   பொருட்டு  இறந்தான் என்ன -
கும்பகருணன்  தனக்காக  இறந்தான்  என்பதைத்  (தூதுவர்)  சொல்லக்
கேட்டு; அறிவு  அழிந்து -  அறிவு  கெட்டு; அவசன் ஆகி - துக்கம்
மிக்கவனாகி; அண்டம் முற்ற  அரற்றினன்  - அண்டத்தளவு சென்று
சேருமாறு பெருங்குரல் எடுத்து அரற்றத் தொடங்கினான்.

பிறிவு  - பிரிவு, ரகரம் எதுகை நோக்கி றகரமாகத் திரிந்தது. பீழை -
துன்பம்.  ஆவி  ஒன்றென  நினைந்து  நின்றான்,  உயிர்  ஒன்றாகிய
செயிர் தீர் கேண்மை. இருதலைப் புள்ளின் ஓருயிரன்ன நிலை என்க.

                                                  (77)

கலி விருத்தம்

தம்பியோ   - (நீ எனக்குத்) தம்பி மட்டும் தானா? வானவர் ஆம்
தாமரையின்  காடு    உழக்கும்   தும்பியோ   -   தேவர்களாகிய
தாமரைக்காட்டைக்  கலக்கி   அழிக்கவல்ல   மதயானை போன்றவனே;
நான்முகத்தோன் சேம் மதலை  தோன்றாலோ - நான்கு முகங்களை
உடைய  பிரமன்  மகனாகிய  புலத்தியன்   மகனான  விச்சிராவசுவின்
வழித்  தோன்றியவனே;  நம்பியோ  - ஆடவர் திலகனே; இந்திரனை
நாமப்பொறி துடைத்த எம்பியோ -