(ப்பொங்கி) எழும்;  ஆர்கலிக்கு  இரட்டி  ஆர்த்தான்  -  கடலைக்
காட்டிலும் பெருமுழக்கம் செய்தான்.
 

                                                 (151)
 

     அனுமனைத் தழுவி, இலக்குவன் சேனையின் நிலைமை உசாவுதல்
 

ஆர்த்த   பேர்  அமலைகேளா  -  ஆரவாரித்த  (அனுமனின்)
பேரொலியினைக்  கேட்டு; ‘அனுமன் அணுகினன்’ - அனுமன் (இங்கு)
வந்து சேர்ந்தான்;  எல்லாவார்த்தையும்  கேட்கல் ஆகும் - (அவன்
வாயிலாக)  எல்லோருடைய  செய்திகளையும்  கேட்டறியலாம்; என்று
அகம்  மகிழ்ந்து  -  என்று  தன்னுள்ளத்தே மகிழ்ச்சியுற்று; வள்ளல்
பார்ப்பதன்  முன்னம்  -  வள்ளன்மையுடையோனாகிய  இலக்குவன்,
(அவ்வனுமனைத்    திரும்பிப்)    பார்ப்பதற்கு   முன்னே;   வந்து
வணங்கினன்  -  (அவன்  இலக்குவனை)  அடைந்து  வணங்கினான்;
இளையவீரன்   -   (இராமனுக்கு)  இளைய  வீரனாகிய  இலக்குவன்;
விசயப்பாவை தூர்த்தனை  -  வெற்றி மங்கையைக் காமுற்றவனாகிய
அனுமனை;  தழுவினன்    இனைய   சொன்னான்   -   தழுவிக்
கொண்டவனாய் (ப்பின்வருமாறு) இவ்வார்த்தைகளைக் கூறினான்.
  

விசயப்பாவை   - வெற்றி மங்கை, தூர்த்தன் - காமுகன், அனுமன்.
அனுமன் நைட்டிக பிரம்மசாரியாக இருந்தும் பலரும் தழுவிய வெற்றி
மங்கையை  அவனும்  தழுவியதாகக்  கொண்டு அவனைத் தூர்த்தன்
எனக்  கூறிய  நயம் உணர்ந்து மகிழ்தற்பாலது. பலருந்தழுவியவளைக்
காமுகனையன்றிப் பிறர் தழுவாராதலின் தூர்த்தன் என்றார்.
 

                                                (152)