| 7713. | ‘மாண்டனவாம், சூலமும், சக்கரமும், வச்சிரமும்;
தீண்டினவா ஒன்றும் செயல் அற்றவாம்; தெறித்து,
மீண்டனவாம்; மானிடவன் மெல் அம்பு மெய் உருவ,
நீண்டனவாம், தாம் இன்னம் நின்றாராம், தோள் நோக்கி!
| மாண்டனவாம் - மாட்சிமைப்பட்டதாகிய; சூலமும் - (சிவனது)
சூலாயுதமும்; சக்கரமும் - (திருமாலுக்கு உரிய) சக்கராயுதமும்;
வச்சிரமும் - (இந்திரனது) வச்சிராயுதமும்; தீண்டினவா ஒன்றும்
செயல் அற்றவாம் - (முன்பு) உன்மீது தீண்டினவாகி ஒன்றும்
செய்யமுடியாது செயல் அற்றுத்; தெறித்து மீண்டனவாம் - தெறித்து
(அப்பால்) போய்விட்டன; மானிடவன் மெல் அம்பு - (இப்போதே)
மனிதன் எய்த மென்மையான அம்புகள்; மேய் உருவ நீண்டனவாம் -
(உன்) உடம்பைத் துளைக்கும்படி நீண்டு (வலியொடு) வந்தனவாம்;
தாம் இன்னம் நின்றாராம் தோள் நோக்கி - இந்நிலையில்
இராவணன் இன்னும்கூடத் தன்தோளைப் பார்த்துக் கொண்டிருந்தாராம்.
(என்னே இது)
| மெல்லம்பு - மானிடன் விடும் அம்பின் வலிமைக் குறைவையும்
இழிவையும் சுட்டி நின்றது. மாண்டனவாம் - மழுங்கின எனினும்
அமையும். தாம் - இராவணன் தன்னைப் படர்க்கையாகக் கூறியது.
| (82)
| | 7714. | ‘நோக்கு அறவும் எம்பியர்கள் மாளவும், இந் நொய்து
இலங்கை
போக்கு அறவும், மாதுலனார் பொன்றவும், என் பின்
பிறந்தாள்
மூக்கு அறவும், வாழ்ந்தேன்-ஒருத்தி முலைக் கிடந்த
ஏக்கறவால்; இன்னம் இரேனோ, உனை இழந்தும்?
| எம்பியர்கள் நோக்கு அறவும் மாளவும் - என் தம்பியர்கள்
பார்ப்பதற்குக் கூட இல்லாமல் இறந்து படவும்; இ இலங்கை நொய்து
போக்கு அறவும் - இந்த இலங்கை எளிமையாக (பகைவர் கையில்)
பட்டு விடவும்; மாதுலனார் பொன்றவும் - மாமனாகிய மாரீசன்
இறக்கவும்; என்பின் பிறந்தாள் மூக்கு அறவும் - என்பின்
பிறந்தவளாகிய (சூர்ப்பநகை) மூக்கை இழக்கவும்,; ஒருத்தி முலைக் |
|
|
|