சென்று;     வெள்ள  வெங்களப்  பரப்பினை  - (குருதி) வெள்ளம்
நிரம்பிய  கொடுமை  மிக்க  போர்க்களமாகிய  பரந்த   இடத்தினைப்;
பொருக்கென விழித்தான் - திடுக்கிட்டு விழித்துப் பார்த்தான்.
 

தனக்கென  ஒருவடிவில்லாத இருள் செறிவு மிகுதியால் கையினால்
அள்ளி  எடுத்து  உட்  கொள்ளத்தக்கவாறு  தோன்றியதால், ‘அள்ளி
நுங்கலாம்   ஆரிருட்   பிழம்பு’   என்றார்.   தள்ளில்   தாமரை -
எவ்விதித்தும்  குறை  கூறித்தள்ளவியலாத  தாமரை என்றவாறு, தான்
விட்டுச்சென்ற  பொழுது இருந்ததைப் போலல்லாமல் குருதி வெள்ளம்
நிறைந்து  கொடுமையாகக்  காட்சியளித்ததால்  திடுக்கிட்டு  விழித்துப்
பார்த்தான் என்பதாம்.
 

                                                 (189)
 

        வீழ்ந்து   கிடக்கும்   சுக்ரீவன்  முதலானோரைத்  தனித்தனி
                                     கண்டு இராமன் வருந்துதல்
 

நோக்கினான்     -  (அங்ஙனம்  போர்க்களத்தை)    விழித்துப்
பார்த்தவனாகிய  இராமபிரான்;  பெருந்திசை  தொறும் முறை முறை
நோக்கி  -  திசையிடங்கள்  தோறும்  அடுத்தடுத்து   உற்றுப்பார்த்து;
ஊக்கினான்  -  (அங்குள்ள  அவலக் காட்சிகளைக் கண்டு)  முயன்று
மேற்சென்றவனாய்;  தடந்தாமரைத்  திரு  முகத்து - விரிந்த பெரிய
செந்தாமரை  மலர்  போலும்  (தன்)  அழகிய  முகத்தின்   கண்ணே;
உதிரம்    போக்கினான்    -    உதிரத்தை   வெளிப்படுத்தினான்;
நிணப்பறந்தலை    அழுவத்துள்   புக்கான்  -   நிணம்  நிறைந்த
போர்க்களப்   பரப்பினிடத்தே  புகுந்தான்;  காக்கும்  வன் துணைத்
தலைவரை - (தன் சேனையைக்)  காத்தற்றொழிலை மேற்கொண்டிருந்த
வலிமை   வாய்ந்த   துணையாயமைந்த    (வானரத்) தலைவைர்களை;
தனித்தனி  கண்டான் -  (ஒவ்வொருவராகத்)  தனித்தனியே  சென்று
பார்த்தான்.
 

ஊக்குதல்  -  முயலுதல், முயன்று  மேற்  செல்லுதல். இராமபிரான்
போர்க்களமெங்கும் தன் வீரர்கள் மாண்டு கிடத்தலைக் கண்டு முகம்