கிடந்தாற்போல (ப்பெருவீரர்களின் நடுவிலே கிடக்கும்); அங்கதக்
களிற்றினை - அங்கதனாகிய யானையை;கண்டகடைதீ உகக்
கண்டான் - (இராமன் தன்) கண்களின் கடையினின்றும் தீப்பொறி
பறக்குமாறு பார்த்தான்;படைக்கலங்களைச் சுமக்கின்ற பதகனேன் -
(பகைவரால் துன்புறாது அடைந்தாரைப் பாதுகாக்கும் நோக்குடன்)
ஆயுதங்களைச் சுமந்து கொண்டுள்ள தீவினையாளனாகிய யான்; பழி
பார்த்து-பழி (நேராமல்) நோக்கி; அடைக்கலப் பொருள் காத்தவாறு
- (என்னிடத்தில் ஒப்புவித்த) அடைக்கலப்பொருளைப்
பாதுகாத்ததிறம்; அழகிது’ என்று அழுதான் - மிகவும் அழகாயுள்ளது’
என்று கூறி அழுதான்.
|
அடைக்கலப்பொருள் அங்கதன். அவனை, இறக்கும் நிலையில்
வாலி, “பொய்யுடை உள்ளத்தார்க்குப் புலப்படாப் புலவ... உன்
கையடையாகும்” எனக் கூறி அடைக்கலமாகத் தந்தமை (கம்ப.4092)
முன்பு காண்க.
|
(196)
|
இலக்குவனைக் கண்டு இராமன் அடைந்த துயரம்
|
| 8637. | உடரிடைத் தொடர் பகழியின் ஒளிர் கதிர்க் கற்றைச்
சுடருடைப் பெருங் குருதியில், பாம்பு எனச் சுமந்த
மிடருடைப் பண மீமிசை, தான் பண்டை வெள்ளக்
கடரிடைத் துயில்வான் அன்ன தம்பியைக் கண்டான்.
|
உடரிடைத் தொடர் பகழியின் - உடம்பின் இடையே துளைத்து
ஊடுருவிய அம்புகளின்; ஒளிர்கதிர்க் கற்றை - ஒளிவிட்டு விளங்கும்
ஒளித் தொகுதியான; சுடருடைப் பெருங் குருதியில் - சுடரினையுடைய
பெரிய குருதியினிடத்தே; பாம்பு எனச் சுமந்த - பாம்பெனப்
பகருமாறு சுமந்து அக்காட்சி; மிடருடைப் பணமீமிசை - வலிமையை
உடைய ஆதிசேடன் என்னும்) பாம்பின் மேல்; பண்டை வெள்ளக்
கடரிடை - பழமையான பாற்கடலின் கண்ணே; துயில்வான் தான்
அன்ன - துயில்பவனாகிய தன்னை நிகர்த்திருக்க (க்கிடைக்கும்);
தம்பியைக் கண்டான் - இளவலான இலக்குவனை இராமபிரான்
பார்த்தான்.
|
பணம் என்பது படத்தினை உடைய பாம்பினைக் குறித்தது.
|
(197) |