காலத்தில்;   அயில்கின்றேனுக்கு - (உணவினை)  உண்கின்றவனாகிய
எனக்கு;   ஆவன   நல்கி   அயிலாதாய்  -  பொருந்துவனவாகிய
உணவுகளைத்   (தேடித்)   தந்து   (நீமட்டும்)   உண்ணாதிருந்தவனே!
வெயில்  என்று  உன்னாய் - வெயில்  என்று  கருதாத  நீ; நின்று
தளர்ந்தே   மெலிவு   எய்தி  -  (எனக்குத்   துணையாக)  நின்று
தளர்ச்சியுற்று  மெலிவினை  அடைந்து;  இன்று துயில்கின்றாயோ  -
இப்பொழுது    உறங்குகின்றாயோ?   இவ்வுறக்கம்  துறவாயோ   -
இவ்வுறக்கத்தினை விட்டு எழமாட்டாயோ?
 

                                                 (208)
 

அயிரா  நெஞ்சும்  ஆவியும்  -  ஐயுறவு  கொள்ளாத  தெளிந்த
நெஞ்சமும்  உயிரும்;  ஒன்றே எனும் அச்சொல் - (தம்முட்பிரிவின்றி
ஒன்றிக்  கலந்திருத்தலால்) ஒன்றே என (உலகோர்)  கூறும் அம்மொழி;
பயிரா  எல்லை  - பொருளுள்ளதாக  ஆகாதபோது; பாதகனேற்கும்
பரிவு உண்டோ - பாவியாகிய என்னிடம் இரக்கம் என்ற உணர்வுதான்
நிகழுமோ;  செயிரோ  இல்லா  - ஒரு  குற்றமும் இல்லாத; உன்னை
இழந்தும்  திரிகின்றேன்  - உன்னை இழந்தபின்பும் (வருத்தமின்றித்)
திரியும்  நிலையினனாக  உள்ளேன்;ஐயா! இனி உன்னோடு உறவு -
ஐயனே!  இனி  உன்னுடன்  (உண்மையான)  உறவு; உயிரோ, நானோ,
ஆர் - (எனது) உயிரோ, யானோ யார்?
 

                                                 (209)
 

வேள்விக்கு  ஏகி வில்லும் இறுத்து-(சனகன் புரிந்த) வேள்விக்குச்
சென்று சிவன் வில்லையும் ஒடித்து; ஓர்விடம்