இராவணன் சீறி அகல்தல்

தாவ அரிய பேர் உலகத்து - கடத்தற்கு அரிய மிகப் பரந்து பட்ட
நிலவுலகில்  உள்ள; யாவரையும் - எல்லாரையும்; கொன்று - கொன்று
அழித்து;  எம்பி  சவத்தோடும்  அருக்கி  - என் தம்பியின் உயிரற்ற
உடலோடு  அடங்குமாறு  செய்து; என்றும்  இறவாத  மூவரையும்  -
என்றைக்கும்  இறந்து  படாத (அரி அரன்  அயன் என்ற)  மூவரையும்;
மேலை நாள் மூவா  மருந்து  உண்ட  தேவரையும் - முற்காலத்தில்
சாவா   மருந்தாகிய   அமிழ்தத்தை   உண்ட   தேவரையும்;  சிறை
வைப்பேன்  -  சிறையில்  வைப்பேன்;  என்னச்  சீறினான் - என்று
சீறினான்.

தன்  தம்பியைக் கொன்ற இராமபிரானைச் சினவாமல், மண்ணவரை
அழிப்பேன்,  மூவரையும்  தேவரையும்  சிறை  வைப்பேன் என்றமை
காண்க.  துயரத்தால்  தோன்றிய சீற்றம் இது. இறவாதவர்களைச் சிறை
வைத்து  இறத்தற்கு  உரியாரை  அழிப்பேன் என்றபடி. தாவ அரிய -
கடத்தற்கு  அரிய,  தா  +  அரிய  எனப்  பிரித்து  அழிவு இல்லாத
எனினுமாம். அருக்கி - அடங்குவித்து, மூவா - சாவா.

                                                  (90)

திக்கு    அனைத்தும் போர் கடந்தான் - எல்லாத் திசைகளிலும்
சென்று போர் செய்து வெற்றி பெற்றவனாகிய இராவணன்; அக்கணத்து
மந்திரியர்  ஆற்ற  சிறிது ஆறி  -  அந்த நேரத்தில் அமைச்சர்கள்
ஆறுதல்  கூறச்  சிறிது  (சினம்) தணிந்து; இக்கணத்து - இப்பொழுது;
மானிடவர் ஈரக் குருதியால் - மனுசரான இராம