(பகைவெல்வதில்)    வலிமையாக இருப்பவனே!  கண்ணே, அமிழ்தே,
கருணாகரனே  -  என்  கண் போன்றவனே என் உயிர்க்கு  அமி்ழ்தம்
போன்றவனே, கருணையின் நிலையமே; எண்ணாமயலோடும் இருந்தது
-  எனக்குற்ற துன்பங்களைச் சிறிதும் எண்ணாமல்,  யான்  இது  காறும்
அளவிட  முடியாத  காதல்   மயக்கத்தோடு  அரக்கர்   ஊரில்  உயிர்
வாழ்ந்திருந்தது; நின்புண்ணாகிய  மேனி  பொருந்திடவோ? -  நின்
புண்ணான உடம்பைப் பொருந்திடத்தானோ?
 

சீதை     ஊணுறக்கமின்றிப்  பகைவர்   ஊரில்   வாழ்ந்திருந்தது
பகைவரை   வென்று   புகழோடுவரும்   இராமன்  அழகைக்  காண
வேண்டும்   என்னும்   ஆசையால்   தான்   என்பதனை,  முன்னும்
கூறியுள்ளதால் (கம்ப. 7653) அறிக.
 

                                                  (13)
 

அலர்வாழ் தேவிக்கு அமிழ்தே - செந்தாமரை மலரில் வாழ்கின்ற
திருமகளுக்கு   அமிழ்தம்  போன்றவனே!  மறையின்  தெளிவே!  -
வேதத்தின்  தெளிபொருளாக   உள்ளவனே!  பண்ணவ  -  கடவுளே!
மிதிலை  மேவிக்  கனல்  முன்  என்  பாவிக் கைபிடித்தது - (நீ)
மிதிலைக்கு  வந்து  ஓமத்தீமுன்னர்   பாவியாகிய  என்  கை  பிடித்து
மணந்து  கொண்டது;  நின்  ஆவிக்கு ஒரு கோள் வரவோ? - நின்
உயிருக்கு ஒரு தீமை நிகழ்தற்குத்தானோ?
 

                                                  (14)
 

களிறே!  ஐயா!  -  ஆண்யானைபோன்றவனே,  தலைவனே உயர்
கோசலைதன்  உயிரோடு உய்யாள் - (நின் நிலைமையைக் கேட்டால்)
உயர்ந்த  பண்பினளான கோசலை  தன்  உயிர் உய்ந்திருக்க மாட்டாள்;
இளையோர் அவர் வாழ்கிலர் - (நினக்கு) இளையவர்களாகிய அப்பரத
சத்துருக்கர்  (நின்னை இழந்து)  உயிர்  வாழ்ந்திருக்க மாட்டார்; வினை
எண்ணி விடுத்த - வஞ்சனை