வெம்மைப்   பொருதானவர் மேல் வலியோர் - கொடுமையாகப்
போர்   செய்கின்ற   தானவரை  விட  வலிமையுடையவர்;  தம்மைத்
தளையில்  கொடு தந்திலனோ  -  தம்மைத்  தளையிட்டுப் பிணித்து
வந்து  (உன்னிடம்)  கொடுத்திலனோ?  உம்மைக்  குலையப் பொரும்
உம்பரையும்   -   உம்மையும்  நடுங்குமாறு  போர்  செய்யும்  (வலி
படைத்த)  தேவர்களையும்;  கொம்மைக்குய வட்டணை - திரட்சியான
வாளால்  இடம்  வலமாகச்  சாரிதிரிந்து;  கொண்டிலனோ  - பொருது
வெற்றி கொண்டிலனோ.
 

கொம்மை     - திரட்சி. குயம் - வாள், மார்பும் ஆம். வட்டணை
கொள்ளுதல்  -  இடம்  வலமாகச்  சாரிதிரிந்து வெற்றி கொள்ளுதல்,
சுழல   அடித்தலும்   ஆம்.  குயவட்டணை  கொள்ளல்  என்பதற்கு
மார்பில் தாளம் போட்டிலனோ என உரைப்பாரும் உளர்.
 

                                                   (9)
 

காய்ப்புண்ட  நெடும் படைகை உளதாத் - காய்ச்சிக் கூர்மையாக
அடிக்கப்  பெற்ற  நெடிய  படைக்கலங்கள்  தன்  கையில் உள்ளதாக;
தேய்ப்புண்டவனும்    -    தரையில்    தேய்க்கப்  பட்டு   இறந்த
அக்ககுமாரனும்;  சில  சில்  கணையால் ஆய்ப்புண்டவனும்  - சில
வலியற்ற  அம்புகளால்  உயிரொடுங்கியவனான கும்பகருணனும்; அவர்
சொல் வலதால்  ஏய்ப்புண்டவனும்  -  இராம  இலக்குவரது புகழின்
வல்லமையால் ஏய்க்கப்பட்டவனான வீடணனும்; என எண்ணினையோ
- என்று (என்னை) எண்ணினாயோ.
 

தேய்ப்புண்டவன்     -  அனுமனால்  தரையில்  தேய்க்கப்பட்டு
உயிரொடுங்கிய   அக்ககுமாரன்.   இச்செயல்   சுந்தர  காண்டத்தில்
அக்ககுமாரன்    வதைப்    படலத்தில்    (படலம்   10)   கண்டது.
ஆய்ப்புண்டவன்     -     உயிரொடுங்கியவனான    கும்பகருணன்.
சொல்வலதால்  - புகழின் வல்லமையால் வலத்தால் வலதால் என்பது.
ஏய்ப்புண்டவன் - ஏய்க்கப்பட்டவனான வீடணன்.
 

                                                   (10)
 

                   அதிகாயன் வஞ்சினம் கூறி, போருக்குச் செல்லல்
 

7737.

‘உம்பிக்கு உயிர் ஈறு செய்தான் ஒருவன்
தம்பிக்கு உயிர் ஈறு சமைத்து, அவனைக்