அசைகின்ற    பொன் சரட்டையும், மேகலையையும், புடவையையும்;
வாங்கி, புயல்வரு கூந்தல் பாரக் கற்றையின்  புனையலுற்றார் - கையில்
வாங்கி  மேகம் போன்ற கூந்தலாகிய  கனமுடைய கற்றையில் அணியத்
தொடங்கினார்கள்.
 

                                                  (16)
 

                       வானரர் ஆர்ப்பொலியும் அதன் விளைவும்
 

முத்து அன்மை மொழியில் ஆகா முகிழ் இளமுறுவல் நல்லார்
- முத்து  அல்ல  எனக்கூறமுடியாத  (முத்துக்களே எனத்தகும்) பற்கள்
தோன்ற  முகிழ்க்கின்ற  புன்முறுவலையுடைய  பெண்கள்; இத்தன்மை
எய்த நோக்கி அரசு  வீ்ற்றிருந்த  எல்லை  -  கள்  மயக்கத்தால்
இத்தன்மை    அடைதலை   விருப்பத்தோடு   நோக்கிக்   கொண்டு
(இராவணன்) அரசு  வீற்றிருந்தபோது; அத்தன்மை அரியின் சேனை
ஆர்கலி  ஆர்த்த   ஓசை  -  அங்ஙனம்  (அனுமான்  கொணர்ந்த
மருந்தால்) உயிர் பெற்றெழுந்த வானரசேனையாகிய கடல் ஆரவாரித்த
ஓசை;மத்தன் மெய்மயங்க   வந்து   செவிதொறும்  மடுத்தது  -
காமமயக்கம்   கொண்ட  அவ்விராவணன்  உடல்  தளருமாறு  வந்து
அவன் செவிகள் தோறும் நுழைந்தன.
 

அன்று, ஏ - அசைகள்.
 

                                                 (17)