மந்திரர் எவரும் வந்து, மருங்கு உறப்படர்ந்தார் - ஏற்றுக்
கொள்ளத்தக்க ஆலோசனையாளர் எவரும், மற்றவர்களும் வந்து தன்
பக்கத்தில் நெருங்கிச் சேர்ந்தார்கள்; பட்ட அந்தரம் முழுதும்
அனையவர்க்கு தானே அறியச் சொன்னான் - (அப்போதுதான்)
பட்ட துன்பம் யாவற்றையும் அச்சபைக்கு வந்திருந்த அனைவருக்கும்
தானே தெளிவாக எடுத்துச் சொன்னான். (இராவணன்).
| (1)
| மாலியவான் அறிவுரை
| | 8841. | ‘நம் கிளை உலந்தது எல்லாம் உய்ந்திட, நணுகும் அன்றே,
வெங் கொடுந் தீமைதன்னால் வேலையில் இட்டிலேமேல்?
இங்கு உள எல்லாம் மாள்தற்கு இனி வரும் இடையூறு
இல்லை,
பங்கயத்து அண்ணல் மீளாப் படை பழுதுற்ற பண்பால்.
| வெங்கொடும் தீமை தன்னால் வேலையில் இட்டிலேமேல் -
(அதுகேட்ட மாலியவான் இராவணனை நோக்கி) மிகக் கொடிய தீய
எண்ணத்தால் கடலில் கொண்டு போய் போடாமல் இருந்திருந்தால்;
நம் கிளை உலந்தது எல்லாம் உய்ந்திட நணுகும் அன்றே? -
அழிந்து போன நம் சேனை முழுதுங் கூட உயிர் பெற்றெழ
வாய்ப்பிருந்திருக்கும் அல்லவோ? பங்கயத்து அண்ணல் மீளாப் படை
பழுதுற்ற பண்பால் - தாமரைமலரில் வீற்றிருப்பவனாகிய
பிரமதேவனின் மீட்கமுடியாத படையாகிய பிரமாத்திரமும் வீணான
தன்மையால்; இனி இங்கு உள எல்லாம் மாள்தற்கு வரும் இடையூறு
இல்லை - இனிமேல் இங்குள்ள யாவும் இறப்பதைத் தடுக்கவரும்
இடையூறு கிடையாது.
| இதுமுதல் ஏழு பாடல்களில்அறிவுரை கூறுகிறான் என்பதனைப்
பின்வரும் 8847 ஆம் பாடல் கொண்டு அறிக.
| (2)
| | 8842. | ‘இலங்கையின்நின்று, மேரு பிற்பட, இமைப்பில் பாய்ந்து,
வலம் கிளர் மருந்து, நின்ற மலையொடும், கொணர
வல்லான் |
|
|
|