வராதபடி செய்யத்தக்க உபாயம் என்ன’ இராவணன் வினவினான்.
| (14)
| இந்திர சித்தன் உரை
| | 8854. | ‘சானகி உருவமாகச் சமைத்து, அவள் தன்மை கண்ட
வான் உயர் அனுமன்முன்னே, வாளினால் கொன்று மாற்றி,
யான் நெடுஞ் சேனையோடும் அயோத்திமேல் எழுந்தேன்
என்னப்
போனபின், புரிவது ஒன்றும் இலாது அவர் துயரம் பூண்பார்.
| சானகி உருவமாகச் சமைத்து - சீதையின் உருவமாக மாயையினால்
செய்து கொண்டு; அவள் தன்மை கண்டவான் உயர் அனுமன்
முன்னே - அச்சீதையின் தன்மையை முன்னமே வந்து கண்டுள்ள,
மிக்க உயர்வுள்ள அனுமனுக்கு முன்னே சென்று; வாளினால் கொன்று
மாற்றி - அவளைக் கொன்று உயிரைப் போக்கிவிட்டு; யான்
நெடுஞ்சேனையோடும் அயோத்தி மேல் எழுந்தேன் என்ன - ‘யான்
நெடிய சேனையோடும் அயோத்தியின் மேல் போகின்றேன்’ என்று
கூறி; போனபின், புரிவது ஒன்றும் இலாது அவர் துயரம் பூண்பார்
- அத்திசை நோககிப் போயினதாகப் போக்குக் காட்டிவிட்டால்,
‘செய்வது ஒன்றும் அறியாதவராய் (திகைத்து) அவர்கள்
துயரங்கொள்வார்கள்.
| அயோத்தி மேல் எழுகின்றேன் என நிகழ்காலத்தில் கூற
வேண்டியதை விரைவுபற்றி ‘எழுந்தேன்’ என இறந்தகாலத்தில்
கூறினான்.
| (15)
| | 8855. | ‘“இத் தலைச் சீதை மாண்டாள்; பயன் இவண் இல்லை”
என்பார்,
அத் தலை, தம்பிமாரும், தாயரும், அடுத்துளோரும்,
உத்தம நகரும், மாளும் என்பது ஓர் வருத்தம் ஊன்ற,
பொத்திய துன்பம் மூள, சேனையும் தாமும் போவார்.
| “இத்தலைச் சீதை மாண்டாள், பயன் இவண் இல்லை” என்பார்
- “இவ்விடத்தில் சீதையோ மாண்டு போனாள்; இனி |
|
|
|