| இன்னது இத் தலையது ஆக, இராமனுக்கு இரவி செம்மல்,
‘தொல் நகர்அதனை வல்லைக் கடி கெடச் சுடுதும்’ என்றான்.
| ‘அன்னது பிரிதல் நன்று’ என்று அரக்கனும் அமைய - ‘அந்தச்
செயல் செய்தல் நல்லதே’ என்று இராவணனும் உடன்பட;
அம்சொல்பொன் உரு அமைக்கும் மாயம் இயற்றுவான்
மைந்தன்போனான் - அழகிய சொல்லையுடைய சீதையின் உருவத்தை
அமைக்கும் மாயத்தைச் செய்வதற்கு அவன் மகனான இந்திரசித்தும்
போயினான்; இத்தலையது இன்னது ஆக இராமனுக்கு இரவி
செம்மல் - இவ்விடத்து இத்தகைய செயல் நிகழ, இராமனுக்குக்
கதிரவன் மகனான சுக்கிரீவன்; தொல்நகர் அதனை வல்லைக்
கடிகெடச் சுடுதும்’ என்றான் - பழமையான இலங்கை நகரை
விரைவாக அதன் சிறப்புக்கெடுமாறு எரிப்போம் என்று கூறினான்.
| (18)
| | 8858. | ‘அத் தொழில் புரிதல் நன்று’ என்று அண்ணலும் அமைய,
எண்ணி,
தத்தினன், இலங்கை மூதூர்க் கோபுரத்து உம்பர்ச்
சார்ந்தான்;
பத்துடை ஏழு சான்ற வானரப் பரவை பற்றிக்
கைத்தலத்து ஓர் ஓர் கொள்ளி எடுத்தது, எவ் உலகும் காண.
| அத்தொழில் புரிதல் நன்று என்று அண்ணலும் எண்ணி
அமைய - ‘அச்செயலைச் செய்தல் நல்லதே’ என்று பெருமை மிக்க
இராமனும் சிந்தித்து உடன்பட; தத்தினன் இலங்கை மூதூர்
கோபுரத்து உம்பர்ச் சார்ந்தான் - சுக்கிரீவன், தாவி, இலங்கையாகிய
பழைய நகரின் கோபுரத்தின் உச்சியை அடைந்தான்; பத்துடை
ஏழுசான்ற வானரப் பரவை - எழுபது வெள்ளம் என்று அமைந்த
வானர சேனையாகிய கடல்; பற்றி எவ் உலகும் காண ஓர் ஓர்
கொள்ளி கைத்தலத்து எடுத்தது - அவனைப்பின் பற்றி (ஒவ்வொரு
வானரமும்) எவ்வுலகமும் காணுமாறு ஒவ்வொரு கொள்ளியைக் கையில்
எடுத்துக்கொண்டது.
| (19) |
|
|
|