சந்தக் கலிவிருத்தம்
 

எண்ணின்   கோடிப் பல்படையாவும் - எழுபது வெள்ளம் என்று
கணக்கிடப்   பட்ட     கோடிக்கணக்கான   வானரப்படைகள்  யாவும்;
மண்ணுறு  காவல்  திண்மதில்  வாயில்  - அழகு செய்யப்பெற்றதும்,
காவலை  உடையதுமாகிய    திண்மையான  மதிலின்  வாயில் வழியாக;
வெண்நிற  மேகம்  மின் இனம்  வீசி  -  வெண்மையான  நிறத்தை
உடைய  மேகங்கள் மின்னல்களை வீசிக் கொண்டு; தொல் நகர் நாண
நண்ணின  போல்வ - பழைமையான அந்த இலங்கை நகர் நாணும்படி
நெருங்கின போல்வனவாயின.
 

                                                  (20)
 

மாசு அறுதானை மர்க்கடவெள்ளம் - குற்றம் அற்ற சேனையாகிய
வானர வெள்ளம்; ஆசைகள் தோறும் கொள்ளி அள்ளின - திசைகள்
தோறும்  கொள்ளிக்கட்டைகளை அள்ளி; இவ் ஊருக்கு நாசம் உண்டு
என  -  இவ்வூருக்கு   அழிவு  உண்டு  என்று குறிக்க; வானின் மீன்
விழும்   என்ன  நள்ளின்   வீசின   -  வானத்திலிருந்து  மீன்கள்
விழுகின்றன என்னும் படியாக நள்ளிரவில் (அக்கொள்ளிகளை) வீசின.
 

‘வானிலிருந்து     விண்மீன்  விழுதல்   அரசுக்கு  அழிவு  எனும்
நம்பிக்கை’ இங்கு குறிக்கப்பட்டதெனினும் அமையும்.  உற்பாதம் போல
அமைந்தது என்று தற்குறிப்பேற்ற உவமையாம்.
 

                                                  (21)