| 8864. | மூஉலகத்தவரும், முதலோரும்
மேவின வில் தொழில் வீரன் இராமன்,
தீவம் எனச் சில வாளி செலுத்த,
கோவுரம் இற்று விழுந்தது, குன்றின்.
|
மூஉலகத்தவரும் முதலோரும் - மூன்று உலகத்து வாழ்வோரும்
முதற்கடவுளர் மூவரும்; மேவின வில் தொழில் வீரன் இராமன் -
விரும்பிய வில்தொழில் வீரனாகிய இராமன்; தீவம் எனச் சில வாளி
செலுத்த - தீபங்களைப் போன்ற சில அம்புகளைச் செலுத்தியதால்;
கோவுரம் இற்று குன்றின் விழுந்தது - இலங்கைக் கோபுரம் இடிந்து
குன்றைப் போல விழுந்தது.
|
(25)
|
மீண்ட அனுமன் ஆர்ப்பொலியால் இலங்கை நடுங்குதல்
|
| 8865. | இத் தலை, இன்ன நிகழ்ந்திடும் எல்லை,
கைத்தலையில் கொடு காலின் எழுந்தான்,
உய்த்த பெருங் கிரி மேருவின் உப் பால்
வைத்த, நெடுந் தகை மாருதி வந்தான்.
|
இத்தலை இன்ன நிகழ்ந்திடும் எல்லை - இலங்கையில் இவ்வாறு
நிகழ்ந்து கொண்டிருக்கையில்; உய்த்த பெருங்கரி கைத்தலையில்
கொடு - (முன்பு) கொண்டுவந்த பெரிய மருத்து மைலையக்
கையினிடத்தில் கொண்டு; காலின் எழுந்தான் மேருவின் உப்பால் -
காற்றைப் போல விரைந்தெழுந்து (சென்று) மேருமலையின்
அப்புறத்தில்; வைத்த நெடுந்தகை மாருதி வந்தான் - மீண்டும்
கொண்டுபோய் வைத்த நெடிய தன்மையனாகிய அனுமன் திரும்பி
வந்தான்.
|
(26)
|
| 8866. | அறை அரவக் கழல் மாருதி ஆர்த்தான்;
உறை அரவம் செவி உற்றுளது, அவ் ஊர்;
சிறை அரவக் கலுழன் கொடு சீறும்
இறை அரவக் குலம் ஒத்தது, இலங்கை
|
அறை அரவக் கழல் மாருதி ஆர்த்தான் - ஒலிக்கின்ற
வீரக்கழலை அணிந்த அனுமன் ஆரவாரித்தான்; உறை அரவம் அவ்
ஊர் செவி உற்றுள்ளது - அந்தச் செறிந்த ஒலி |