அந்தோ - இரக்கக் குறிப்பு, அம்மா - உரையசை; வியப்பிடைச்
சொல் எனினுமாம். நிகழாதது நிகழ்ந்ததால் வியப்பாயிற்று. இனி வரும்
பாடல்களிலும் ‘அம்மா’வுக்கு இங்ஙனமே உரைக்க.
| (45)
| 8885. | ‘பெருஞ் சிறைக் கற்பினாளைப் பெண்ணினைக்
கண்ணின்கொல்ல,
இருஞ் சிறகு அற்ற புள் போல், யாதும் ஒன்று
இயற்றல்ஆற்றேன்;
இருஞ் சிறை அழுந்துகின்றேன்; எம்பிரான் தேவி
பட்ட
அருஞ் சிறை மீட்ட வண்ணம் அழகிது பெரிதும்,
அம்மா!
| பெருஞ்சிறைக் கற்பினாளைப் பெண்ணினைக் -பெரியகாவலாகிய
கற்பினை உடையசீதையை, பெண்ணினை; கண்ணின் கொல்ல -
என்கண்முன்னால் கொல்லவும்; இருஞ்சிறகு அற்ற புள்போல்- பெரிய
சிறகுகளை இழந்த பறவைபோல;யாதும் ஒன்று இயற்றல் ஆற்றேன் -
யாதொன்றும் செய்ய இயலாதவனாய் இருந்து; இருஞ்சிறை
அழுந்துகின்றேன் - பெரிய துன்பச்சிறையில் அழுந்துகின்றேன்;
எம்பிரான் தேவிபட்ட - எம்பெருமானாகிய இராமன் மனைவியை
அவள் அகப்பட்டிருந்த; அருஞ்சிறை மீட்டவண்ணம் அழிகிது
பெரிதும், அம்மா - பொறுத்தற்கரிய சிறையிலிருந்து மீட்ட வண்ணம்
அம்மா மிகவும் அழகிது!
| (46)
| 8886. | ‘பாதக அரக்கன், தெய்வப் பத்தினி, தவத்துளாளை,
பேதையை, குலத்தின் வந்த பிழைப்பு இலாதாளை,
பெண்ணை,
சீதையை, திருவை, தீண்டிச் சிறை வைத்த தீயோன்
சேயே
காதவும், கண்டு நின்ற கருமமே கருணைத்து
அம்மா!
| தெய்வப் பத்தினி தவத்துளாளை - தெய்வக் கற்புடையவளாய்த்
தவத்திலிருப்பவளை; பேதையை, குலத்தின் வந்த பிழைப்பு
இலாதாளை - பேதமைக் குணமுடையவளை, நல்ல குலத்திற் பிறந்த
குற்றமற்றவளை; பெண்ணை, சீதையை திருவைத் தீண்டி -பெண்
தன்மை நிரம்பியவளை, சீதையை, திருமகள் அமிச |
|
|
|