:: TVU ::

742

யுத்த காண்டம்

வஞ்சியை எங்கும் காணாது - வஞ்சிக் கொடி போன்ற சீதையை எங்கும் காணாமல்; உயிரினை மறந்தான் என்ன - தன் உயிரையே மறந்தவன் போல; தேடித்திரிகின்றான் செஞ்சிலை உரவோன் உள்ளம் தேற - தேடித்திரிகின்றவனாகிய செம்மையான வில்லாற்றல் மிக்க வீரனாகிய இராமன் மனம் தெளியும்படி; “அம்சொலாள் இருந்தாள் கண்டேன்” என்ற யான் - ‘அழகிய சொல்லை உடைய சீதை இருந்தாள், (இலங்கையில்) கண்டேன்” என்று கூறி மகிழ்வித்த நான்; ‘அரக்கன் கொல்லத் துஞ்சினாள்’ என்றும் சொல்ல - இப்போது ‘அரக்கனாகிய இந்திரசித்து கொல்லச் சீதை இறந்தாள்’ என்று சொல்லவும்; தோன்றினேன் தோற்றம் ஈதால் - தோன்றினேன், என்பிறப்பின் பயன் இத்தகையதாயிற்றே!
(49)
8889.	‘அருங் கடல் கடந்து, இவ் ஊரை அள் எரி மடுத்து, வெள்ளக் கருங் கடல் கட்டி, மேருக் கடந்து ஒரு மருந்து காட்டி, “குரங்கு இனி உன்னோடு ஒப்பது இல்” என, களிப்புக் கொண்டேன்; பெருங் கடல் கோட்டம் தேய்த்தது ஆயது, என் அடிமைப் பெற்றி!
அருங்கடல் கடந்து - கடத்தற்கு அரிய கடலைக் கடந்து வந்து; இவ் ஊரை அள் எரிமடுத்து - இவ்ஊரைச் செறிந்த நெருப்பினால் கொளுத்தி; வெள்ளக் கருங்கடல் கட்டி -நீர் நிறைந்த கரிய கடலுக்கு அணை கட்டுவதில் உதவி செய்து; மேருக்கடந்து ஒருமருந்து காட்டி- மேருமலையைத் தாண்டிச் சென்று ஒப்பற்ற மருந்தினைக் கொணர்ந்து காட்டி; “குரங்கு இனி உன்னோடு ஒப்பது இல்” எனக் களிப்புக கொண்டேன் - “குரங்குகளிலே இனி உன்னோடு ஒப்பக் கூறக் கூடிய குரங்கு ஒன்றுமி்ல்லை” எனப் பிறர் புகழக் கேட்டுக் களிப்புக்கொண்டேன்; என் அடிமைப் பெற்றி பெருங் கடல் கோட்டம் தேய்த்தது ஆயது - இத்தகைய என் அடிமைத் தன்மை பெரிய கடலில் தேய்த்து விட்ட கோட்டம் போலப் பயனற்றுப் போய் விட்டதே!
(50)