(இடையிடையே அமைந்த) தீவினைப் போன்று; கூறு ஆய் உக
ஆவி குறைத்தனனால் - கூறுபட்டு விழவும், (அரக்கர் சேனையின்)
உயிரைப் போக்கினான் (இலக்குவன்)
|
கடலில் திடர் என்றது, கடலின் இடையே காணப்படும் சிறிய
தீவுகளை, ‘திடலிடைச் செய்த கோயில் திருவிராமேச் சுரத்தை’
(4-6153) என்பது அப்பர் தேவாரம்.
|
(31)
|
| 8965. | வாமக் கரிதான் அழி வார் குழி, வன்
தீ மொய்த்த அரக்கர்கள் செம் மயிரின்
தாமத் தலை உக்க, தழங்கு எரியின்
ஓமத்தை நிகர்த்த; உலப்பு இலவால்.
|
வாமக் கரிதான் அழிவார் குழி - அழகிய யானையின் கால்களால்
மிதிக்கப்பட்டுச் சிதைந்த (தரையிடத்தே உண்டாகிய) நீண்ட
குழியிடத்தே; வன் தீ மொய்த்த செம்மயிரின் - வலிய தீச்சுடர்க்
கற்றைகள் நெருங்கினாற் போன்ற செந்நிறமயிரினைக் கொண்ட;
அரக்கர்கள் தாமத் தலைஉக்க - அரக்கருடைய மாலையணிந்த
தலைகள் சிதறி விழுந்தவை; தழங்கு எரியின் ஓமத்தை நிகர்த்த
உலப்பு இலவால் - ஒளி விட்டொழியும் யாக குண்டத்தின் தீயை
ஒப்பன எண்ணில்லாதன உளவாயின.
|
(32)
|
| 8966. | சிலையின் கணையூடு திறந்தன, திண்
கொலை வெங் களி மால் கரி செம் புனல் கொண்டு,
உலைவு இன்று கிடந்தன, ஒத்தனவால்,
மலையும் சுனையும், வயிறும் உடலும்.
|
திண் கொலை வெங்களி மால் கரி - திண்மையினையும் கொல்லுந்
தொழிலையும், வெகுளியையும் மதச் செருக்கையும் உடைய பெரிய
யானைகள்; சிலையின் கணையூடு வயிறும் உடலும் திறந்தன -
(இலக்குவனது) வில்லினின்றும் வெளிப்படும் அம்புகளால் வயிற்றிலும்
உடலிலும் இடையிடையே பிளக்கப்பட்டனவாய்; செம்புனல் கொண்டு
உலைவு இன்று கிடந்தன - செந்நிறமான குருதிப் புனலைக் கொண்டு
உயிர் போகாது கிடந்தவை; மலையும் சுனையும் ஒத்தனவால் -
மலையையும் (அதன்கண் உள்ள) சுனையையும் ஒத்துத் தோன்றின.
|
(33) |