காம்பு அறுபட்டு விழுந்து; அன்னார் உதிரத்துள் அழுந்துதலால் -
அவ்வரக்கரது இரத்த வெள்ளத்துள் அழுந்துதலால்; செந்நாகம்
விழுங்கிய திங்களினை ஒத்தனவால் - செந்நிறப் பாம்பினால்
விழுங்கப்பட்ட சந்திரனை ஒத்தன.
|
(36)
|
| 8970. | கொடு நீள் கரி, கையொடு தாள் குறைய,
படு நீள் குருதிப் படர்கின்றனவால்,
அடு நீள் உயிர் இன்மையின் ஆழ்கிலவால்,
நெடு நீரின் இடங்கர் நிகர்த்தனவால்.
|
கொடுநீள் கரி, கையொடு தாள் குறைய - கொடிய யானைகள்
நீண்ட துதிக்கையுடன் கால்களும் அறுபட்டமையால்; படுநீள்
குருதிப் படர்கின்றனவால் - அங்கு உண்டாகிய நீண்ட குருதி
வெள்ளத்தில் செல்வன்; அடுநீள் உயிர் இன்மையின் ஆழ்கிலவால்
- (பகைவரை) அடுதற்குரிய ஆற்றல் மிக்க உயிர் இல்லாமையால்
(அக்குருதி வெள்ளத்தில்) ஆழாதனவாயின; நெடுநீரின் இடங்கர
நிகர்த்தனவால் - (அவை) கடலிடத்தே உள்ள இடங்கர் என்னும்
முதலையை ஒத்துத் தோன்றின.
|
(37)
|
| 8971. | கரி உண்ட களத்திடை உற்றன, கார்
நரி உண்டி உகப்பன நட்டனவால்;
இரியுண்டவர் இன் இயம் இட்டிடலால்,
மரியுண்ட உடற் பொறை மானினவால்.
|
கரி உண்ட களத்திடை உற்றன கார் நரி - யானைகளைத்
தன்பாற் கொண்ட போர்க்களத்தின் கண்னே புகுந்தனவாகிய கரிய
நரிகள்; உண்டி உகப்பன நட்டனவால் - உணவை விரும்பின வாய்த்
தங்கின; இரியுண்டவர் இன் இயம் இட்டிடலால் - நிலை கெட்டு
ஓடிய அரக்கர்களின் இனிய பறைகள்; மரியுண்ட உடற் பொறை
மானினவால் - (அவர்களால்) விடப்பட்டமையால் இறந்த
உடற்பொறையை ஒத்தன.
|
(38)
|
| 8972. | வாயில் கனல் வெங் கடு வாளிஇனம்
பாய, பருமக் குலம் வேவனவால்,
வேய் உற்ற நெடுங் கிரி மீ வெயில் ஆம்
தீ உற்றன ஒத்த-சினக் கரியே. |