வாயில்  கனல்  வெங்கடு  வாளி  இனம்  பாய  -  முனையின்
கண்ணே  தீயினையும்,   கொடிய   நஞ்சினையும்   கொண்ட  அம்பின்
தொகுதிகள்   பாய்ந்து    தைத்தலால்;   பருமக்குலம்  வேவனவால்
சினக்கரியே  -  தம்  மேலுள்ள  கழுத்து  மெத்தை   முதலியவற்றின்
தொகுதிகள்  எரிந்து  வேகும்  நிலையிலுள்ளனவாகிய  வெகுளி  மிக்க
யானைகள்; வேய் உற்ற நெடுங்கரி மீ - மூங்கில் அடர்ந்துள்ள நெடிய
மலைகள் மீது; வெயில் ஆம் தீ உற்றன ஒத்த - வெவ்விய நெருப்புப்
பற்றி எரிவனவற்றை ஒத்தன.
 

                                                 (39)
 

அலை வேலை அரக்கரை, எண்கின் உகிர்,
தலைமேல் முடியைத் தரை தள்ளுதலால்,
மலைமேல் உயர் புற்றினை, வள் உகிரால்,
நிலை பேர, மறிப்ப நிகர்த்தனவால்.
 

அலைவேலை  அரக்கரை எண்கின் உகிர் - அலைகளை உடைய
கடல்  போன்ற   அரக்கரை  (வானர  சேனையிலுள்ள)  கரடிகள்  தம்
நகங்களால்; தரைமேல் முடியைத் தவிர தள்ளுதலால் -  (அவர் தம்)
தலை  மீதுள்ள  மணி  முடியினைப் (பெயர்த்து) தரையில் தள்ளுதலால்;
மலைமேல் உயர்  புற்றினை  வள்உகிரால்  -  மலை  மீது உயர்ந்து
வளர்ந்துள்ள  புற்றினைக்  கூரிய  நகங்களால்;  நிலை  பேர  மறிப்ப
நிகர்த்தனவால்  - நிலை  பெயரும்  படி பெயர்த்துத் தள்ளுவனவற்றை
ஒத்தன.
 

                                                 (40)
 

மா வாளிகள் மா மழைபோல் வரலால்,
மா ஆளிகள் போர் தெறு மா மறவோர்,
மா ஆளிகள் வன் தலையின்தலை வாம்
மா ஆளிகளோடு மறிந்தனரால்.
 

மாவாளிகள்  மா மழைபோல் வரலால் - (இலக்குவனது) பெருமை
வாய்ந்த    அம்புகள்    பெரும்    மழையைப்    போன்று   (மிக்கு)
வந்தமையால்;  மா ஆளிகள் போர்  தெறு  மா மறவோர் - பெரிய
சிங்கங்களைப்  போரில்  வெல்லவல்ல  மாவீரர்களாகிய  அரக்கர்களும்;
மா  ஆளிகள் -  (யானை, குதிரை என்னும்)  விலங்குகளை (ப்போரில்)
ஆளும்   வீரர்களும்;  வன்தலையின்  தலைவாழ்  -  (தமது)  வலிய
தலையிடத்தே  (அணியப்  பெற்றுள்ள மலர்களிடத்தில் உள்ளவாம்); மா
ஆளிகளோடு மறிந்தனரால் - கரிய வண்டுகளோடும் இறந்துபட்டனர்.