மடக்கு என்னும் சொல்லணி வந்த செய்யுள்.
| (41)
| | 8975. | அங்கம் கிழியத் துணி பட்டதனால்,
அங்கு அங்கு, இழிகுற்ற அமர்த் தலைவர்,
அம் கங்கு இழி செம்புனல் பம்ப, அலைந்து,
அம் கங்கள் நிரம்பி அலம்பியதால்.
| அங்கு அங்கு இழிகுற்ற அமர்த் தலைவர் - அங்கங்கே
தோல்வியுற்ற போர்ப்படைத்தலைவர்களுடைய; அங்கம் கிழியத் துணி
பட்டதனால் - உடம்புகள் கிழிய வெட்டப்பட்டதனால்; இழிசெம்புனல்
பம்பஅம் கங்குஅலைந்து - வீழ்கின்ற குருதி நீர் மேலெழ அழகிய
பருந்து (அவ்வெள்ளத்தில்) அலைதலுற்று; அங்கங்கள் நிரம்பி
அலம்பியதால் - தன் உடலுறுப்புக்கள் முழுவதும் நிரம்பிக் கழுவப்
பெற்றது.
| (42)
| | 8976. | வன் தானையை, வார் கணை மாரியினால்,
முன், தாதை, ஓர் தேர்கொடு, மொய் பல தேர்ப்
பின்றா எதிர் தானவர் பேர் அணியைக்
கொன்றான் என, எய்து குறைத்தனனால்.
| தாதை முன் ஓர் தேர்கொடு மொய் பலதேர்ப்- தன் தந்தையாகிய
தயரதன் முன்பொருகால் ஒரே தேரினைக் கொண்டு (தன்னை)
நெருங்கிய பல தேர்களுடன்; பின்றா எதிர் தானவர் பேர் அணியை
- (போரிற்) பின்னிடாது எதிர்த்து நின்ற அசுரர் பெருஞ் சேனையை;
கொன்றான் என வன்தானையை - கொன்றவனைப் போன்று
(இலக்குவனும் தான் ஒருவனாகவே நின்று) வலிய அரக்கர்
சேனையை; வார்கணை மாரியினால் எய்து குறைத்தனனால் - நீண்ட
அம்பு மழையினால் எய்து அழித்தான்.
| (43)
| இந்திர சித்தன் யாகம் சிதைதல்
| வேறு
| | 8977. | மலைகளும், மழைகளும், வான மீன்களும்,
அலைய வெங் கால் பொர, அழிந்த ஆம் என,
உலை கொள் வெங் கனல் பொதி ஓமம் உற்றலால்,
தலைகளும் உடல்களும் சரமும் தாவுவ. |
|
|
|