சென்றவால் - (ஓமகுண்டத்தில்) எழுந்து எரியும் வேள்வித்தீ
அவியும்படி சென்று பாய்ந்தன.
|
(46)
|
| 8980. | தெரி கணை விசும்பிடைச் சுமந்து, செம் மயிர்
வரி கழல் அரக்கர்தம் தடக் கை வாளொடும்
உரும் என வீழ்தலின், அனலிக்கு ஓக்கிய
எருமைகள் மறிந்தன; மறியும் ஈர்ந்தவால்.
|
தெரிகணை விசும்பிடைச் சுமந்து - (இலக்குவன்) ஆராய்ந்து எய்த
அம்புகளால் விசும்பின் கண்ணே சுமக்கப்பெற்று; செம்மயிர் வரிகழல்
அரக்கர் தம் தடக்கை - சிவந்த மயிரினையும் வரிந்து கட்டப்பெற்ற
வீரக்கழலையுடைய அரக்கர்களுடைய பெரிய கைகள்; வாளொடும்
உரும் என வீழ்தலின் - (தாம் பிடித்துள்ள) வாட்படையுடனே
இடிபோன்று (நிலத்தில்) வீழ்தலால்; அனலிக்கு ஓக்கிய எருமைகள்
மறிந்தன, மறியும், ஈர்ந்தவால் - தீக்கடவுளுக்கென (யாகத்தில்)
உரிமை செய்து வைக்கப்பட்ட எருமைகள் (வெட்டுண்டு) இறந்தன.
ஆடுகளும் (அவ்வாறே) பிளக்கப்பட்டு இறந்தன.
|
(47)
|
| 8981. | அம் கடம் கழிந்த பேர் அருவிக் குன்றின்நின்று
அம் கடம் கிழிந்திலர், அழிந்த ஆடவர்,
அங்கு அடங்கலும் படர் குருதி ஆழியின்
அங்கு அடங்கினர், தொடர் பகழி அஞ்சினார்.
|
அம் கடம் கழிந்த பேர் அருவிக் குன்றின் நின்று - அழகிய
கன்னங்கள் (கிழியப்பெற்று) வழிகின்ற குருதியுடன் பெரிய அருவி
வீழ்கின்ற குன்றினைப் போல (உயிர் எஞ்சி) நின்று; அம் கடம்
கிழிந்திலர் அழிந்த ஆடவர் - (தம்) அழகிய (திண்மையான) உடம்பு
கிழியப்பெறாது (தோற்றழிவதால்) நெஞ்சழிந்த அரக்க வீரர்கள்;
தொடர் பகழி அஞ்சினர் - (இலக்குவனது வில்லினின்றும்) தொடர்ந்து
வரும் அம்புகளுக்கு அஞ்சியவர்களாய்; அங்கு அடங்கலும் படர்
குருதி ஆழியின் அங்கு அடங்கினர் - போர்க்களமாகிய
அவ்விடத்தில் முழுதும் பரவிய குருதிக் கடலினுள்ளே அடங்கி
மறைந்தனர்.
|
(48)
|
| 8982. | கால் தலத்தொடு துணிந்து அழிய, காய் கதிர்க்
கோல் தலைத்தலை உற, மறுக்கம் கூடினார், |