நோன் - வலிமை. வாள் - கூர்மை. சோரியின் ஆறு - இரத்த
ஆறு.
|
(55)
|
| 8989. | நஞ்சினும் வெய்யவர் நடுங்கி, நா உலர்ந்து,
அஞ்சினர், சிலர் சிலர் அடைகின்றார்; சிலர்
வெஞ் சின வீரர்கள், மீண்டிலாதவர்,
துஞ்சினர், துணை இலர் எனத் துளங்கினார்.
|
நஞ்சினும் வெய்யவர் சிலர் சிலர் அஞ்சினார் - நஞ்சை விடக்
கொடுமையுடையோரான அரக்கர்களுட் சிலர் சிலர் (இலக்குவன் முன்
நிற்கலாற்றாது) அஞ்சியவர்களாய்; நடுங்கி நாவுலர்ந்து அடைகின்றார்
- நடுக்கமுற்று நாவறண்டு இந்திரசித்தை அடைவாராயினர்; வெஞ்சின
வீரர்கள் மீண்டிலாதவர் சிலர் - மிக்க வெகுளியுடைய அவ்வீரர்களுள்
மீண்டு வரமுடியாதவர் சிலர்; துணை இலர் எனத் துளங்கினார்
துஞ்சினர் - தம்மைத் தாங்கும் துணையில்லாதாரைப் போன்று
மனந்துளங்கி இறந்தனர்.
|
(56)
|
வேள்வித் தீ அவிதல் கண்டு இந்திரசித்தன் வெதும்புதல்
|
| 8990. | ஓம வெங் கனல் அவிந்து, உழைக் கலப்பையும்,
காமர் வண் தருப்பையும் பிறவும் கட்டு அற,
வாம மந்திரத் தொழில் மறந்து, நந்துறு
தூம வெங் கனல் எனப் பொலிந்து தோன்றினான்.
|
ஓமவெங்கனல் அவிந்து - (வேள்விக்குண்டத்தில்) ஓமம்
செய்யப்படும் வெம்மையுடைய தீ அவிந்து; உழைக் கலப்பையும்
காமர்வண் தருப்பையும் - (வேள்வியிற்) பயன்படுத்தற்குரிய
பொருள்கள் நிறைந்த பையும், அழகிய வளம் நிறைந்த தருப்பையும்;
பிறவும் கட்டு அற வாம மந்திரத் தொழில் மறந்து - பிற
பொருள்களும் கட்டுக்குலைந்து அழிய வாம மந்திரங்களை
எண்ணுதலாகிய தொழிலை மறந்து; நந்துறு தூம வெங்கனல் எனப்
பொலிந்து தோன்றினான் - அவியும் நிலையிற் புகை படர்ந்த
வெம்மையுடைய (வேள்வித்) தீயினைப் போன்று (தானும்)
பொலிவிழந்து காணப்பட்டான். (இந்திரசித்து)
|
(57)
|
| 8991. | அக் கணத்து, அடு களத்து, அப்பு மாரியால்
உக்கவர் ஒழிதர, உயிர் உளோர் எலாம் |