பத்து அக்குரோணி சேனை (அதுவும்) தளர்ந்து ஒழியும்; எள்ள
அருவேள்வி நின்று இனிது இயற்றுதல் பிள்ளைமை - இகழ்தற்கரிய
யாகத்தினை இடம் பெயராது நின்று இனிது இயற்றுதல் என்பது சிறு
பிள்ளைத்தனம்; அனனயது சிதைந்து பேர்ந்ததால் - அந்த வேள்வி
வேரறச் சிதைந்து போயிற்று.
|
வெள்ளம் என்பது பேரெண். கோடி x கோடி x கோடி x கோடி x
கோடி - என 57 ஆம் தானத்தது வெள்ளம் என்பர். அக்குரோணி
என்பது 21870 தேர்களும், 21870 யானைகளும், 65610 குதிரைகளும்,
109350 காலாட்படை வீரர்களும் ஆகிய பெருஞ்சேனை என்பர்.
|
(62)
|
| 8996. | ‘தொடங்கிய வேள்வியின் தூம வெங் கனல்
அடங்கியது அவிந்துளது, அமையுமாம் அன்றே?
இடம் கொடு வெஞ் செரு வென்றி இன்று எனக்கு
அடங்கியது என்பதற்கு ஏது ஆகுமால்.
|
தொடங்கிய வேள்வியின் தூம வெங்கனல் - தொடங்கிச் செய்த
புகையொடு கூடிய வெம்மை உடைய தீ; அடங்கியது அவிந்துளது
அமையுமாம் அன்றே? - (மேலோங்கி எரியாமல்) அடங்கியதாய்
அவிந்துள்ளது ஒன்றே போதுமல்லவா? இடம் கொடு வெஞ்செரு
இன்று எனக்கு வென்றி - இடத்தைக் கொண்டு நிகழும் கடும் போரில்
இன்று எனக்கு வெற்றி; அடங்கியது என்பதற்கு ஏது ஆகுமால் -
இல்லையாகி அடங்கியது என்பதற்குரிய தீய நிமித்த மாகும்.
|
(63)
|
| 8997. | ‘அங்கு அது கிடக்க; நான் மனிதற்கு ஆற்றலென்
சிங்கினென் என்பது ஓர் எளிமை; தேய்வுற,
இங்கு நின்று, இவை இவை நினைக்கிலேன்; இனி,
பொங்கு போர் ஆற்றல் என் தோளும் போனதோ?
|
அது அங்கு கிடக்க - (வேள்வி அழிந்தமையாகிய) அது ஒருபுறம்
கிடக்க; நான மனிதற்கு ஆற்றலென் சிங்கினென் என்பது ஓர்
எளிமை - நான் மனிதற்கு வலியற்றேனாய் (ஆற்றலின்) குறைந்தேன்
என்று எண்ணுவது எளிமையின் பாலதாகும்; தேய்வு உற இங்கு நின்று
இவை இவை நினைக்கிலேன் - (எனது வலிமை) தேய்ந்து
ஒழியுமாறு இவ்விடத்தில் நின்று இத்தகைய எண்ணங்களை நினைக்க
மாட்டேன்; இனி பொங்கு போர் ஆற்றல் |