என்தோளும் போனதோ? - இப்பொழுது வெகுண்டு போர்
செய்தற்குரிய ஆற்றல் மிக்க என்தோள்களும் இல்லா
தொழிந்தனவோ?
|
(64)
|
| 8998. | ‘”மந்திர வேள்வி போய் மடிந்ததாம்” எனச்
சிந்தையின் நினைந்து, நான் வருந்தும் சிற்றியல்,
அந்தரத்து அமரரும், “மனிதர்க்கு ஆற்றலன்;
இந்திரர்க்கே இவன் வலி!” என்று ஏசவோ?’
|
மந்திர வேள்வியோய் மடிந்ததாம் எனச் - மந்திரத்துடன்
இயற்றப்படும் யாகம் சென்று அழிந்ததாம் என்று; சிந்தையின்
நினைந்து நான் வருந்தும் சிற்றியல் - மனதிலே நினைந்து நான்
வருந்தும் சிறுமைத்தன்மை; அந்தரத்து அமரரும் - வானத்திலுள்ள
தேவர்களும்; “மனிதர்க்கு ஆற்றலன்; இந்திரர்க்கே இவன் வலி!”
என்று ஏசவோ? - (இவ்விந்திரசித்து) ‘மனிதன் ஒருவனுக்கு (எதிர்
நிற்க) ஆற்றாதவனாயினான், இவனது வலிமை இந்திரனை வெற்றி
கொள்வதற்கு மட்டுமே’ என (என்னைக் குறித்துப்)
பழித்துரைத்தற்காகவோ?
|
(65)
|
| 8999. | என்று அவன் பகர்கின்ற எல்லை, வல் விசை,
குன்றொடு மரங்களும், பிணத்தின் கூட்டமும்,
பொன்றின கரிகளும், கவிகள் போக்கின;
சென்றன பெரும் படை இரிந்து சிந்தின.
|
என்று அவன் பகர்கின்ற எல்லை - என்று அவ்இந்திரசித்து
(தனக்குள்) சொல்லிக் கொண்டிருக்கும் பொழுதில்; குன்றொடு
மரங்களும் பிணத்தின் கூட்டமும் - குன்றுகளோடு மரங்களையும்
பிணத்தின் தொகுதிகளையும்; பொன்றின கரிகளும் கவிகள் வல்விசை
போக்கின - இறந்த யானைகளையும் குரங்குகள் வலிய விசையினோடு
(அரக்கர் மேல்) வாரி வீசின; சென்றன பெரும் படை இரிந்து சிந்தின
- (இந்திரசித்தனுடன்) சென்றனவாகிய பெரும் சேனைகள்
நிலைகெட்டுச் சிதறின.
|
(66)
|
| 9000. | ஒதுங்கினர், ஒருவர் கீழ் ஒருவர் புக்குறப்
பதுங்கினர், நடுங்கினர்; பகழி பாய்தலின்,
பிதுங்கினர்; குடர் உடல் பிளவு பட்டனர்;
மதம் புலர் களிறு எனச் சீற்றம் மாறினார். |