குறித்து  வந்தது.  கூர்  - மிகுதி உரிச்சொல். தசும்பு - குடம். தசும்பு
துளங்கு இருக்கை என்றார் (பதிற். 42) பதிற்றுப்பத்தில்.

                                                  (39)

செங்கதிரோன் உருவின் உறை தந்தன பொறை தந்தன- சிவந்த
கதிர்களை    உடைய     கதிரவன்   நிறத்தோடு    பொருந்தியனவும்
பாரமுள்ளனவும்;  இமையோர்  திறை  தந்தன - தேவர்களை திறைப்
பொருளாகத் தந்தனவும்; தெய்வ நிதிக் கிழவன் - தெய்வ  நிதிகளுக்கு
எல்லாம்  தலைவனான  குபேரன்;  முறை தந்தன -  முறைமை பற்றித்
தந்தன   வுமான;   காசு   ஒளிர்பூண்   -   மணிகள்   ஒளிவிடுகிற
அணிகலன்களை;   தந்து   முடிக்குவெனால்   -   தருவேன்  (தந்து
முடிப்பேன்).

செல்வம்     பல தருவேன். உறை தந்தன - பொருந்தியன. பொறை
தந்தன  - பாரம் உள்ளன, முறை தந்தன - முறைமை  பற்றித்  தந்தன.
முறை  -  உடன்பிறந்த  முறை  என்க.  தந்து   முடிக்குவென்  - முடி
துணைவினை,  (தன்  பொருள் இழந்து முதல் வினையின் பொருளில்
வருவது) தெய்வநிதிக் கிழவன் - குபேரன்.

                                                  (40)

வாரிய     மதமாறா  -   வடிகிற   மதப்பெருக்கு  மாறாதனவும்;
வண்டினொடும் பாறு  ஆடுமுகத்தன  - வண்டுகளோடு பருந்துகளும்
பறந்து  ஆடும்  முன்புறத்தை உடையனவும்; பல் பகலும் தேறாதன -
பலநாளும்    (மதவெறியில்    இருந்து)   நீங்காதனவும்;    செங்கண்
வெங்களிமா - ஆகிய சிவந்த கண்களை உடைய கொடிய  மதம் மிக்க
யானைகள்;  நூறாயிரம்   ஆயினும்   நுந்துவெனால்  -  நூறாயிரம்
வேண்டுமானாலும் தருவேன்.

மண   மதத்திற்காக வண்டுகளும், எதிர்ப்பட்டோரைக் கொல்லுதலால்
கிடைக்கும்  உணவுக்குப்  பருந்துகளும்  மத  யானைக்கு  முன் பறந்து
வரும் என்க, செங்கண் - பண்புத்தொகை. களிமா -