இராமன் வானரரை விலக்கி மயிடனை வினவல்

போதம்  முதல் - மெய்யுணர்வுக்கு முதலாய் இருப்பவனும்; வேதம்
முதல்   நாதன்   -   வேதங்கள்   விளக்கும்  சிறப்புப்  பொருளாய்
உள்ளவனும்  ஆகிய  இராமபிரான்;  வாய்  மொழியே  புகல்வான் -
(பற்றிய   வானர  வீரர்களைப்  பார்த்து)   இவன்   தலைவன்  கூறிய
சொற்களைச்   சொல்லுபவன்; ஏதும்   அறியான்  -  வேறு  எதுவும்
அறியாதவன்;  வறிது  ஏகினனால்  -  படைக்கலம் இன்றி வெறுமனே
வந்துள்ளான்;  தூதன்  -  (ஆகவே  இவன்) தூதுவனாக  இருக்கலாம்;
இவனைச்  சுளியன்  மின் எனா - (எனவே) இவனை வெகுளாதீர்கள்
என்று; விலக்கினனால் - (அந்த வானர வீரர்களை) விலக்கினான்;

போதம்     முதல்    ஞானத்தால்    அறியப்படும்     முதல்வன்
(மெய்யுணர்வுக்கு   முதலாய்  இருப்பவன்)  சுளிதல்   -   வெகுளுதல்,
வேதம் முதல் நாதன் - வேதம் கிடந்து தடுமாறி விளக்கும் பொருள்.

                                                  (46)

என்  வந்த கருத்து அது இயம்பு எனலும் - (வானரரை விலக்கிய
இராமன்)  நீ  வந்த  காரணம்  எது  பற்றியது  அதைச்  சொல் எனக்
கேட்ட அளவில்; மின் வந்த எயிற்றவன் - ஒளி பொருந்திய பற்களை
உடைய  (அந்த  மயிடன்); வில்வல, மன்னர் பிரான் - வில் தொழில்
வல்லவனே  மன்னர்  பெருமானே; மன் வந்த கருத்து - எம்  மரசன்
கொண்டுள்ள  கருத்தை;  உன்  பின் வந்தவனே அறி பெற்றியதால்
என - உன் பின் பிறந்தவனாகிய இலக்குவனே அறியும் தன்மையது என;
(அடுத்த பாடலில் தொடர் முடியும்.)

                                                  (47)

            இலக்குவன் வினவ, தூதன் தான் வந்த செய்தி உரைத்தல்