தன்மை    பொருந்திய குதிரைகள் வீழ்ந்தில; புனை பிணி துணிகில
சீரிது பெரிது இதன் நிலைமை எனத் தெரிபவன்-தேர் உறுப்புகள்
பொருந்தி   உள்ள  மூட்டுவாய்களும்  துணிபடவில்லை.  இத்தேரின்
நிலைமை மிக்க சிறப்புடையது என்று தெரிந்தவனாய்; ஒரு சுடு தெறு
கணையால் சாரதி மலை புரை தலையை -ஒரு சுடுகின்ற அழிக்கும்
அம்பினால்  அத்தேர்ப்பாகனது  மலை போன்ற தலையைக் கொய்து;
முறை திரிய நெடுந் தரையிடை இடுதலும் - அவன் நிலை கெடப்
பெரிய தரையினில் இடுதலும்.
 

                                                (27)
 

அறுசீர் ஆசிரிய விருத்தம்
 

உய்வினை   ஒருவன்  தூண்டாது  உலத்தலின்  அப்பொலம்
பொன்திண்  தேர் - தேரைச் செலுத்துகின்ற வினையை மேற்கொண்ட
ஒப்பற்ற  பாகன்  (குதிரையைத் தூண்டாமல் பகைவர் கையில்) இறந்து
பட்டதனால் அந்தப் பொன் மயமான அழகிய தேர்; தவத்தை நண்ணி
அய்வினை   நலிய   நைவான்   அறிவிற்கும் உவமை  ஆகி -
தவவேடத்தை    மேற்கொண்டும்    (அவ்வேடத்திற்குப்   பகையாய்)
ஐம்பொறிகளின்   செயல்   தன்னை    வருத்த   வருந்துகின்றவனது
(அழிவுற்ற)   ஞானத்திற்கும்  உவமையாகப்   பொருந்தி;  மெய்வினை
அமைந்த காமம் விற்கின்ற விரகின் தோலாப் - (உள்ளம் ஒன்றாது)
உடம்பின்     செயலாக    மட்டும்     அமைந்த    காமநுகர்ச்சியை
வேண்டுவார்க்கு     விலை     பெற்று     விற்கின்ற    தந்திரத்தில்
தோல்வியுறாமல்;  பொய்வினை மகளிர் கற்பும் போன்றது - தேர்ச்சி
பெற்ற  பொய்யான  செயல்களைச்  செய்கின்ற  வேசியரின்  அழிவுற்ற
கற்பொழுக்கமும் போன்றது.
 

                                                  (28)