அழிந்த தேர்த்தட்டின் நின்றும் அங்குள்ள படைகள் அள்ளி-
அழிந்துபட்ட  தேரின்  தட்டில்  நின்று கொண்டு அத்தட்டில் இருந்த
படைக்கலங்களை எல்லாம் அள்ளிக்கொண்டு; பொழிந்தனன், இளைய
வீரன்   கணைகளால்   துணித்துப்போக்க  -  இலக்குவன்   மேல்
பொழிந்தான்   இந்திரசித்து;   அவற்றையெலாம்    இலக்குவன்  தன்
அம்புகளால் துண்டித்து அழிக்க; மொழிந்து இறாவகையில் விண்ணை
முட்டினான்   -  சொல்லுஞ்சொல்  முடிவதற்குமுன்  (வெகுவிரைவில்)
வானத்தில்   மூண்டு   நின்று;  உலகம் மூன்றும் கிழிந்தன  என்ன
ஆர்த்தான்;   கண்டிலர்  ஓசை  கேட்டார்  - உலகங்கள் மூன்றும்
கிழிந்தன   என்று   எண்ணுமாறு   ஆரவாரித்தான்;  யாரும்  அவன்
வடிவைக்   கண்டிலர்;   ‘ஆனால்   அவன்   ஆரவாரத்தை  மட்டும்
கேட்டனர்.
 

                                                 (39)
 

                              இந்திரசித்தன் - இலக்குவன் போர்
 

மல்லின்   மாரி அன்ன தோளினான் - மற்போர் பயிற்சியினை
உடையதும்   கரிய   மேகம்   போன்ற  நிறத்தினை  உடையதுமான
தோளினை  உடைய  இந்திரசித்து;  மழையின்  வாய்ந்த  கல்லின்
மாமாரி -    மேகத்தில்    பொருந்தி    இருந்த   கல்லினாலாகிய
மழையை; பெற்றவரத்தினால்  சொரியுங்காலை -  தான் முன்பெற்ற
வரத்தினால் சொரியும்  போது;  செல்லும்  வான்  திசைகள் ஓரார்
போகார் நின்ற வானரவீரர்  -   தப்பிச்  செல்லுவதற்குரிய  சிறந்த
திசைகளையும் அறியாதவராய் போகவியலாமல் நின்றவானர வீரர்கள்;