உருவினை     -  இருண்ட  மேகக்  கூட்டத்தினிடையே  இரத்தம்
சொரியும்  மேகம்  ஒன்று  தங்கியுள்ளது  என்னுமாறு நின்றவனாகிய
இந்திரசித்தன்   உருவத்தை;  உலகம்  எல்லாம்   நிறைந்தவன்
கண்டான்;  காணா   இனையது   ஓர்   நினைவது  ஆனான்-
உலகெங்கும் நிறைந்து நிற்பவனாகிய இலக்குவன் பார்த்தான்; பார்த்து
இத்தகையதொரு எண்ணத்தை உடையவனான்.
 

                                                (42)
 

சிலை  அறாது எனினும் - (இந்திரசித்தின்) வில் என் அம்பினால்
அறுபடாத     தெய்வத்தன்மை     உடையது    எனினும்;    மற்று
அத்திண்ணியோன்  திரண்ட  தோளாம்  மலை அறாது ஒழியாது
என்னா  -    அத்திண்மைமிக்கவனாகிய   இந்திரசித்தின்   திரண்ட
தோளாகிய  மலை   அறாமலிருக்காது   என்று   கருதிக்   கொண்டு;
வரிசிலை ஒன்று வாங்கி  கலை அறாத்திங்கள் அன்ன வாளியால்
-  கட்டமைந்ததொரு  வில்லை    வளைத்து   ஒருகலை  அறாதுள்ள
பிறைத்திங்களைப்    போன்ற    அம்பினால்;    கையை,    விலை
அறாமணிப்பூணோடும்,  வில்லொடும், நிலத்து வீழக்  கொய்தான்
-    அந்த      இந்திரசித்தினுடைய        கையை    விலைதீராத
(விலைமதிப்புடைய)     மணிகள்     பதித்த    அணிகலன்களோடும்
வில்லொடும்  தரையில்  வீழுமாறு  அறுத்துத் தள்ளினான்.
 

                                                 (43)