வான்பாகப் பிறை போல் வெவ்வாய்ச் சுடுகணை படுதலோடும்-
(இலக்குவன்  விடுத்த)   வானில்  தோன்றும் பிறைச்சந்திரனைப் போல்,
கொடிய வாயினை உடையதாய்ச் சுடுகின்ற  இயல்பினை  உடைய அம்பு
(இந்திரச்சித்தன்மேல்)  பட்டவுடனே;  வேகவான் கொடுங்கால்  எற்ற
முற்றும் போய் விளியும் நாளில் -மிக்க வேகத்தையுடைய கடுங்காற்று
மோதுதலினால்  உலகம் முழுவதும்  சென்று  அழியும் ஊழி இறுதியில்;
மேகம் ஆகாயத்து இட்ட வில்லொடும்  வீழ்ந்தது என்ன - மேகம்
ஆகாயத்தில்     இட்ட     இந்திர    வில்லினோடும்    (மண்மிசை)
வீழ்ந்ததுஎன்னும்படி; மாகவான்  தடக்கை மணிப் பூண் மின்ன மண்
மேல்    விழுந்தது   -   ஆகாயத்தில்   இருந்த   சிறந்த   பெரிய
அவ்விந்திரசித்தின்    கை   மணிகள்   பதித்த   அணிகலன்  மின்ன
மண்மிசை வீழ்ந்தது.
 

                                                  (44)
 

படித்தலம்  சுமந்த   நாகம்  -  பூமியைச்  சுமந்து  கொண்டுள்ள
ஆதிசேடன் என்னும் பாம்பு; பாக வான் பிறையைப் பற்றிக் கடித்தது
போல  -  வானிலுள்ள  சந்திரனின்  பாகமாகிய  பிறைச்  சந்திரனைப்
பற்றிக்    கடித்தது    போல; கோலவிரல்களால்  இறுகக்   கட்டிப்
பிடித்தவெஞ்     சிலையினோடும்     -    அழகிய   விரல்களால்
இறுகக்கட்டிப்பிடித்த  கொடிய  வில்லினோடும்;  பேர்  எழில்  வீரன்
பொன்   -   தோள்   -   பேரழகுடைய   இந்திரசித்தன்  அழகிய
தோள்; மரமும்   கல்லும்  துகள்பட  குரங்கும் துஞ்ச துடித்தது -
மரங்களும் கற்களும் துகளாகவும் குரங்குகள்  இறந்து  படவும் நிலத்தில்
வீழ்ந்து துடித்தது.
 

                                                  (45)