செய்தானோ; விரைந்து அப்படி இப்படியில் செய்யப்படு கிற்றி -
அப்படி விரைந்து இந் நிலத்தில் (நீ) செய்யப்படுவாய்; ஐயப்படல்
தெரிந்தனெனால் - (அது பற்றி) சந்தேகப்படாதே (அதை நான்)
தெரிவித்து விட்டேன்
|
சையப்படிவம் - மலை போன்ற வடிவம். மெய் எப்படிச்
செய்தனன் - கால்களையும் கைகளையும் தலையையும் வெட்டி
முண்டமாகச் செய்த நிலை. இப்படியில் - இப்பூமியில். ஆல் - அசை.
|
(50)
|
| 7777. | ‘"கொன்றான் ஒழிய, கொலை கோள் அறியா
நின்றானொடு நின்றது என், தேடி?" எனின்,
தன் தாதை படும் துயர், தந்தையை முன்
வென்றானை இயற்றுறும் வேட்கையினால்.
|
கொன்றான் ஒழிய - (கும்பகருணனைக்) கொன்றவனாகிய
(இராமனை) விட்டு; கொலை கோள் அறியா நின்றானொடு -
அக்கொலைச் செயலைச் செய்து அறியாது நின்றவனாகிய
(இலக்குவனை); தேடி நின்றது என் எனின் - (இந்த அதிகாயன்)
தேடிப் (போரிட) நிற்பது எற்றுக்கு எனின்; தன் தாதை படும் துயர் -
(அதிகாயனாகிய) தன்னைப் பெற்ற இராவணன் படும் துன்பத்தை;
தந்தையை முன் வென்றானை - (சிறிய) தந்தையாகிய கும்பகருணனை
முன்பு வென்றவனாகிய இராமனுக்கு; இயற்றுறும் வேட்கையினால் -
உண்டாக்கும் ஆசையினால்;
|
தேடி - தேடி. தன் தாதை - அதிகாயனாகிய தன்னைப் பெற்ற
தந்தையாகிய இராவணன், தந்தை, சிறிய தந்தையாகிய கும்பகருணன்.
கொலை கோள் - கொலைத் தொழிலைச் செய்தல்.
|
(51)
|
| 7778. | வானோர்களும், மண்ணினுளோர்களும், மற்று
ஏனோர்களும், இவ் உரை கேண்மின; இவன்-
தானே பொருவான்; அயலே தமர் வந்து
ஆனோரும் உடன் பொருவான், அமைவான்.
|
வானோர்களும் - வானில் உள்ள தேவர்களும்;
மண்ணினுளோர்களும் - நிலவுலகில் உள்ளவர்களும்; மற்று
ஏனோர்களும் - மற்றும் உள்ள பிறரும்; இவ் உரை கேண்மின் -
இந்தச் சொல்லைக் கேளுங்கள்; இவன் தானே பொருவான் - இந்த
அதிகாயன் தானே (இலக்குவனுடன்) போரிடுவான்; அயலே தமர்
வந்து ஆனோரும் |