குரங்குகள்  எல்லாம்  இமையவர்கள்  வாழ்த்தியதனால் உயிர் பெற்று
எழுந்தன (ஆகலின் என்க).
 

                                                 (58)
 

              இந்திரசித்தின் தலையை ஏத்தி, அங்கதன் முன் செல்ல
                                    இலக்குவன் பின் செல்லுதல்
 

ஆக்கையின் நின்று வீழ்ந்த அரக்கன் தன் தலையை -உடம்பில்
நின்று  அறுபட்டு  விழுந்த இந்திரசித்தின் தலையை; உள்ளம் கூர்ந்த
வாலி  சேய்  அம்கை தூக்கினன் தூசி செல்ல - மனமகிழ்ச்சி மிக்க
வாலியின்   மகனான    அங்கதன்  அகங்கையில்  தூக்கிக்  கொண்டு
முன்னணியில்  செல்லா  நிற்க;  மேக்குயர்ந்து அமரர்  வெள்ளம் -
விண்ணில் உயர்ந்து நின்று தேவர்களின் திரள்;அள்ளியே தொடர்ந்து
வீசும்   பூக்கிளர்  பந்தர்   நீழல்  -  அள்ளினவாய்த் தொடர்ந்து
சொரிகின்ற  மலர்களின்  கிளர்ச்சி  மிக்க  பந்தல்   நிழலில்; இளவல்
அனுமன்   மேல்   போனான்   -  இலக்குவன்  அனுமன்  தோள்
மேலனாய்ப் போனான்
 

                                                 (59)
 

இந்திரன்  வீங்கிய தோளன், தேய்ந்து மெலிகின்ற பழியன் -
(அக்காட்சியைக்  கண்ட) இந்திரன்  பூரித்த  தோள்களையுடையவனாய்,
தனக்கிருந்த பழி தேய்ந்து மெலியப் பெற்றவனாய்;