தென்தலை ஆழி தொட்டோன் சேய் அருள் சிறுவன் செம்மல்
- அழகிய   இடத்தை  உடைய  கடலைத் தோண்டின  சகரபுத்திரரின்
வழித்தோன்றலாகிய   இராமபிரானின் அருளைப்  பெற்ற  சிறுவனான
செம்மைக்  குணம் வாய்ந்த அங்கதன்; என்னை  வென்று அலைத்து
ஆர்த்து  போர்த்தொழில் கடந்த வெய்யோன் - என்னை வென்று
வருத்திக்கட்டிப்  போர்த் தொழிலில்   வெற்றிபெற்ற  கொடியவனாகிய;
தன்தலை எடுப்பக் கண்டு தானவர் தலைகள் சாய -இந்திரசித்தினது
தலையை    எடுப்பக்   கண்டு,   அசுரர்கள்   தலைகள்  அச்சத்தால
சாயுமாறு;  என்தலை  எடுக்கலானேன்  இனிக்  குடை எடுப்பேன்
என்றான்    -  என்னுடைய     தலையைத்  தூக்கிப்பார்க்கலானேன;
இனி  என் வெண்கொற்றக்  குடையையும் எடுப்பேன்’ என்று கூறினான்.
 

                                                  (62)
 

வரதன், போய்  மறுகா  நின்ற  மனத்தினன்  - வரந்தரத்தக்க
பெருமையனாகிய     இராமன்     மிகவும்    கலங்கிய    மனத்தை
உடையவனாய்; தருமமே  தாங்க  மாயத்தோனைச்   சரதம் போர்
வென்று   மீளும்   என்பான்   - ‘தருமமே  துணைநின்று  தாங்க
மாயத்தவனாகிய  இந்திரசித்தனைப்  போரில்  வென்று   (இலக்குவன்)
நிச்சயமாகத்   திரும்புவான்’   என்று   எண்ணுகின்றவனாய்;  விரதம்
பூண்டு,  உயிரினோடும்  தன்னுடை மீட்சி நோக்கும் - விரதத்தை
மேற்கொண்டு  உயிரைத்தாங்கியவனாய் தனது மீட்சியை எதிர் நோக்கி
இருக்கும்; பரதன்    போன்று,  தம்பிவருகின்ற  பரிசுபார்த்தான்
இருந்தான் - பரதனைப் போன்று,