-  இந்த இல்ககுவனே வில்லாளியான  (அதிகாயனுடன்)  போர்  செய்ய
வேண்டும்  என்று,;  நாரணன்  முன் சொல்லாடினன் - நாராயணனின்
அவதாரமாகிய   இராமபிரானிடம்   (அந்த  அதிகாயனைப்  பற்றிய)
செய்திகளைத்  கூறினான்;  அன்னவை  சொல்லுதுமால் - அவற்றைச்
சொல்லுவோம்.
 

நல்லாறு - நல்ல அறவழி. பண்புத்தொகை.
 

                                                  (54)
 

வார்     ஏறு கழற்சின வாள் அரி - (இவ்வதிகாயன்) கச்சினால்
கட்டப்பட்ட  வீரக்  கழல்  அணிந்த  சினங்கொண்ட  கொடிய ஆண்
சிங்கம் போன்றவனாகிய;   எம்  போர்  ஏறொடு  போர்  புரிவான்
அமையா  -  போரில்  வல்ல  எம் இலக்குவனோடு போர் புரிவதற்கு
உடன்பட்டுத்; தேர் ஏறு சினக் கடு வெந் தறுகண் - தேரில் ஏறி வந்த
சினமும்  கொடிய அஞ்சாமையும் கொண்ட; கார் ஏறு என வந்த கதத்
தொழிலோன் - கரிய மேகம் என்னுமாறு வந்த சினம் மிக்க தொழிலை
உடையவன்.
 

வார்   ஏறு - கச்சினால் கட்டப்பட்ட, அரி - சிங்கம், தறுகண்மை -
அஞ்சாமை, கதம் - சினம். அமையா - செய்யா என்னும் வாய்பாட்டு
வினையெச்சம். தொழிலோன் - வினையாலணையும் பெயர்.
 

                                                  (55)
 

ஓவா   நெடு  மாதவம்  ஒன்று  உடையான்  -  நீங்காத  மிகப்
பெருந்தவம்   ஒன்று   உடையவன்;   மூவா   முதல்  நான்முகனார்
மொழியால்  -  கெடாத  முதற்பொருளாகிய  பிரமன் தந்த வரத்தால்;
தேவாசுரர் ஆதியர் செய் செருவில் - தேவாசுரர் முதலியோர் செய்த
போரில்;சாவான் - சாவாமல்; இறையும் சலியா வலியான் - சிறிது கூட
சலிப்படையாத வலி பெற்றவன்.