எல்லை இல் ஆற்றலாய்! - எல்லை இல்லாத வல்லமையை
உடையவனே! கூற்றம் உன் எதிர் வந்து- கூற்று உன் எதிரில்
வந்து; உயிர் கொள்வது ஓர் ஊற்றம் தான் உடைத்து அன்று -
உனது உயிரைக் கொள்ளத் தக்க மிகுவலி உடையதன்று; எனையும்
ஒளித்து   ஏற்ற   எவ்உலகு   உற்றனை?'- (ஆதலால் நீ
இறந்திருக்க   மாட்டாய்   உனக்கு  ஏற்ற எந்த உலகத்துக்கோ
சென்றிருக்கின்றாய்)  எனக்குத்  தெரியாமல்;  மறைந்து  உனக்கு
ஏற்ற எந்த உலகத்தை அடைந்தாய்?' என்று உரைக்கும் ஆங்கு
ஓர் தலை- என்று வினவும் அங்கு ஒருதலை.
 

இது இராவணின் பத்தாவது தலை கூறுவது. 
 

இன்னவாறு அழைத்து ஏங்குகின்றான் எழுந்து- இவ்வாறு
இந்திரசித்தனை   அழைத்து   ஏங்குகின்ற   இராவணன் எழுந்து;
உன்னும்   மாத்திரத்து   ஓடினன் -   நினைக்கும்   அளவில்
ஓடிச்சென்று; ஊழிநாள் பொன்னின் வான் அன்ன போர்க்களம்
- ஊழி   இறுதியில்   தோன்றும்  பொன்னிறமுடைய  செவ்வானம்
போன்று   குருதியால்   சிவந்து  காட்டும் போர்க்களத்தில்; தனது 
நன்மகன்  ஆக்கையை  நாடுவான் புக்கனன் - தனது சிறந்த
புதல்வனுடைய உடம்பைத் தேடுவதற்காகப் புகுந்தான்.
 

(23)
 

தேவரே முதலாகிய சேவகர் யாவரும் - தேவர் முதலிய
பணியாளர்கள்  யாவரும்;  உடனே  தொடர்ந்து  ஏகினார் -
இராவணனுடனே தொடர்ந்து சென்றவர்களாய்; மூவகைப் பேர்
உலகின்    முறைமையும் -   (இராவணனின்   கோபத்தால்)
மூவுலகங்களின் முறைமையும்; ஏவது ஆகும்?' என்று எண்ணி