தலையும் ஆர் உயிரும் கொண்டார்- குற்றமற்ற என் மகன்
தலையையும் அரிய உயிரையும் கொண்டவர்; அவர் உடலோடும்
தங்க- தமது  உடலோடும்  (இன்னும்  உயிர்விடாமல்)  தங்கி
இருக்க; புலையனேன் இன்னும் ஆவி சுமக்கின்றேன் போலும்
போலும்- இழிவுடையவனாகிய யான் உயிர் சுமந்திருக்கின்றேன் 
போலும்! போலும்!
 

மாதிரம் - திசை, மறு - குற்றம், போலும் - ஒப்பில் போலி; 
உரையசைப் பொருளில் வந்தது. 
 

அளகை மூதூர் எரிஉண- குபேரனுக்கு உரிமையான அளகை 
என்னும்  பழமையான  ஊர்  எரியுண்ணவும்;  இந்திரன் இருக்கை 
எல்லாம் பொரி உண- இந்திரன் இருப்பிடமாகிய அமராவதி தீயில்
பொரிந்து  போகவும்  செய்து;  உலகம்  மூன்றும் பொது அறப்
புரந்தேன் போலாம் - உலகம் மூன்றும் பிறர்க்கும் பொது என்பது 
இல்லாமல் (எனக்கே உரிமையாக்கிக்) காப்பாற்றினேன் போலும்! அரி 
உணும்  அலங்கல்  மௌலி  இழந்த  என் மதலை யாக்கை - 
வண்டுகள் தேனை உண்கின்ற மாலையை அணிந்த தலையை இழந்த 
என் புதல்வனது உடம்பை; நரி உணக் கண்டேன்; ஊணின் நாய் 
உணும்  உணவு  நன்றால்- நரி  உண்ணக்  கண்டேனாகிய யான் 
உண்ணும்  உணவைக்  காட்டிலும்  (தான் கக்கியதையே உண்கின்ற) 
நாய் உண்ணும் (எச்சில்) உணவு சிறந்ததாகும். 
 

(36)